• Leven in Holten
  • Contact
  • Leven in Holten
  • Contact

Fienpreuverskultuur

0
GEDEELD

Vèèr’nvèèrtig joar Fienpreuvers. Nou en, wat hebt die Fienpreuvers noe e doane an kultuur, heur ‘k oe zegg’n. Nôh, det is meer as dàj’ arg in hebt. Netuurlijk Hoolt’n was altied al een kèunedarp. Netuurlijk Hoolt’n had de drei kèune in zien waap’n, mà wiej dach’n altied dat det de börgemèister en de wethôôlders wadd’n. In 1968 begunn’n de Fienpreuvers hèèl klein. Roadsleed’n sprökk’n der schààne van. Carnaval in Hoolt’n kon neet, de jonge lèu kwamm’n der àllèène mà van an ’n dràànk. Gelukkig wörd’n der duur e zat. In 1973 brach Jehan van Geenhuuz’n de carnavalsoptocht’n noar Hoolt’n. Twei waag’ns en hij wörd’n op ’t gemeentehuus touw e sprökk’n duur börgemèister Enklaar. Doar bint in Hoolt’n à carnavalsoptocht’n e wes van meer dan honderd nummers en ik vuurspelle oe det het er det dit joar wier meer wordt dan honderd. De Fienpreuvers hebt in de carnavalstied, vanof 1977, Hoolt’n um e dèupt in Kèunedarp. Henny van Huub Brands hef den naam bedach en wun doarmet de priesvroage van de Fienpreuvers. Hier begun de opmars van het keun. Al eerder (1971)hadd’n de Fienpreuvers het Sallandlied van mèister Brouwer in het harte slött’n. Oaverà woet ze kwamm’n wörd’n het e zung’n en nog altied wördt an het èinne van ne vergadering beslött’n met het Sallandlied. De Sallààndkultuur drung zelfs duur tut biej de Poppe, de grötste zaal is nog altied de Sallààndzaal. In de joar’n tachtig kwamm’n der hoe langer hoe meer Kèunedarpers kiek’n noar de joarlijkse optreed’ns van de Hoolter artiest’n. Onvergettelijke naam’n, Berend Willem Dapper,de Brands Brothers met Jèurlink, Bets en Derk, Wippert van Wappert en Mans van Sangel nömm’n de wethôôlders en de road op de hakke. Het gung der mangs hard an touw. In die joar’n ontstun een versje wat nog altied op feestoamde en kèunefeest’n wördt e zung’n. Hoolt’n mien làànd, làànd van Kèunedarpers. Drei kèèr verzöpp’n en vèèr kèèr verbràànd, Toch blif het altied nog Hoolt’n mien làànd. Kèunefeest’n, ôônze jeugd wèèt à neet ààns meer. Ôôit wadd’n het de twei’n twintigjoarige Fienpreuvers diet zèèd’n, wat äns ààns kan, kan ôk in Hoolt’n.. Netuurlijk ie könt in Hoolt’n een lintje krieg’n van de Koninginne, ie könt vriejwilliger van het joar word’n, mà de hèuigste onderscheiding is toch nog altied, “Kèunedarper van ’t joar.” Völle bekèènde Hoolter hebt ne plaatse krèèg’n op disse eerelieste. En wat dach ie van de Brààndheultjes! Prins Leo, brach disse kapel in 1991 in de kultuur van Hoolt’n. Ankômm’nden zundag bint ze wier te belustern biej het ôôle gemeentehuus, at al die ôôld Prins’n nog één kèèr wier an komt rie in de koetse um de grôôte Fienpreuverstentoonstelling te bekiek’n. Moanden is ter e warkt, alle foto’s digitaal e maakt en vanof zundag köj’het resultaat bekiek’n. Kultuur is iets wàj’ met mekaa maakt en doar bint de Fienpreuvers, de ofgelôôp’n vèèr’nvèèrtig joar dubbel en dwars in e slaagt. .Nog starker, zelfs de Viefkop is ontstoane op nen carnavalsoamd. Is det kultuur, ja of neet. Wis en waarachtig.

De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.