• Leven in Holten
  • Contact
  • Leven in Holten
  • Contact

Riess’n

1
GEDEELD

Ongemarkt zit ik te blaadern in het book Uut den Umtrek, van Johan Struik uut Okk’nbrook. (van de Kààmphegge) Hij is van 1906 en estörm’n in 1996. Met zien book, 335 pagina’s dikke, biej dagen làànk an het lèèz’n. Hij beschrif det e in ziene jonge joar’n geerne noar Riess’n moch goan. Hij zag de febrieksarbeiders in blauwe gestrèèpte boezeroens, ôônder ’n kiel en en de vrouwleu met ne halven scholk, en de witte mutse. Riess’n,. woer de ôôle gebruuk’n nog het langste in stàànd wadd’n eblèèm’n. Riess’n met ziene verschillende kark’n, woej’ toch alle respekt vuur möt hemm’n. Hij beschrif det er op ne dag nen oolderling duur stroate löp, woer een een diensmèike de raam’n an het lapp’n was. Zie dreug een liefke met korte mouw’n. De oolderling stopt en zeg tèèg’n eur, “Hier heij’ ne rieksdaalder, kôôpt oe doarvuur mar een bloesje met lange mouw’n.” Het is neet bekèènd of ze det edoane hef, mà wà det ne euldere vrouwe vund det den oolderling ne rechveerdigen keerl was. Zie, en met eur völle ààndern, vun disse kleere in stried met gelèuve en good gedrag. Hij vertelt van de beeste, diet van de Mors kwamm’n en zô de stal in konn’n lôôp’n, umdet de huuze àmoa met de achterkàànte noar de weg stund’n. Netuurlijk kwam der wal is ne flatse mill’n op de weg. Lèu diet gen beeste hadd’n konn’n doar vriejelijk oaver beschikk’n en det wörd’n dan gebruukt as mes vuur het höfke. De wichter wörd’n de weg op estuurt um “koodriete te garderen”. Ôk herinnert e zich al die kèèr’n det e noar de Riessense markt gung, vèè en varkens en neet te vergett’n, de läpkesmarkt. Völle volk kwam der op de noajoars- en vuurjoarsmarkt. Vanuut Hoolt’n wörd’n de beeste an het töuw noar Riess’n elèidt. Van veerder of kwamm’n ze met ne vèèwaag’n, mà dan kon der mar ééne in. Gemotorisèèrde waag’ns wadd’n nog zeldzaam in het stroatbeeld. Alles is noe völle makkelijker en doarmet is een stuk folklore vôt eraakt. Ie zeet gen ne boer meer diet de varkenshukke an ’t uutmest’n is. Het geluud van den dörsvlèègel is verstomd en de boer’n kiekt neet meer oaver de underste achterduure, um te zeen wat vuk weer het wördt. Op marktdaag’n bint de gestalde peerde vuur “de Kroon” à lange uut het stroatbeeld. Nee, Riess’n is met de tied met egoane, met een medern stadsbeeld. Het ôôle Riess’n met zien plattelààndslèèm’n is à lange uut de tied.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.