• Evenementen
  • Webcam
  • Evenementen
  • Webcam

Voele lôch

Miezerig weer. In de veert’n trek de buurman hèupkes mes van de koare. Nen halven dag later is e drôk gangs um de strôônt met de grèèpe uut mekaa te maak’n. Vaa gôôit met ne aalt’nschepper de gierkoare vol. Het kliedert er an alle kàànt’n oaver hen. De lôch diet er of kump is neet bepoald lekker te neum’n. Éénmoal op ’t làànd trek e de schoeve lös en de giere spuit alle kàànt’n op. Opoe hef de vèèr vark’ns e vôôrt en sloft noar ’t kipp’nhok um de eijkes uut te haal’n en schôône te maak’n. Één kèèr in de zôvölle tied wordt ze netjes of elèèvert biej Wàànsik. Het is het lèèm’n van alle dag. Tèèg’n een uur of vieve trekt de boer’n op het fietske, of met peerd en waag’n op brook an. Doar möt een beesje of wat word’n emölk’n. Hetzelfde ritueel zeej’ ’s mäns vrog wier. Tèèg’n een uur of nèènge kump Nös Jehan met peerd en waag’n, um de melk noar de febriek te breng’n. Zô gangs wieze verààndert de tied. Het peerd möt plaatse maak’n vuur ne trekker. De kleinschalighèid um Hoolt’n wördt vol ebouwd met huuze en industrie. De gemengde bedrieve verdwient uut het landschap. Hèèl völle kleine bedriefkes stopt er met. De boer’n verhuust noar ’t darp of noar ’t bejoard’nhuus en de boerderiej’n wordt verbouwd tut môôie lààndhuuze. De boer’nbedrieve wordt als mà grötter, net as de trekkers en de gierkoar’n. De rèègeltjes wordt alsmà meer. Mest- en melkkwotums wordt verhààndeld en wier of eschaft. Ie möt as boer vandaage an ’n dag hèèl wat wèèt’n um het hèufd boam’n water te hôôld’n. Het is à lange neet meer, de domste boer’n, de dikste eerpel. Buut’n het boer’nbedrief wördt er an alle kàànt’n ebouwd. Het geet ôôns vuur de wind. Nieje wèèg’n kômt er en de lôch van puure aalte wördt vermengd met smerige benzine- en diesellôch. Het plestic begint an zien zwarftocht langs de wèège en de zèè. Gen mèinse zut de bujje hang’n, oaverà het zelfde versje. Wiej bint met zien all’n oaver drèèmpels egoane en noe geet het kennelijk hèèmoa verkèèrd. Is det de scheuld van den boer met die gierkoare? Hier in Hollàànd lôôp ie wiej, as altied, as beste keerltje van de klasse, vuurop. Ie möt neet te veer de troep’n uutlôôp’n, ààns verlees ie het kontakt met de rest van de wereld. Halve moatrèègeln diet biej de grèènze ophôôlt, zölt neet help’n. Europa heult 300 miljard oaver. Het lik een môôi begin um doar dinge met te doon diet good bint vuur ôônzen aardkloot. De narighèid woe we met zit is völle grötter, dan àllèène de beste boer’n van de wereld. Àj’ det neet in de smiez’n hebt, blif de lôch voel.

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Meer nieuws

Log hieronder in op je account

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.