• Leven in Holten
  • Contact
  • Leven in Holten
  • Contact

De Langstroate

9
GEDEELD

Het Groonlàànd lag an de grèènze met Markel. An de Hoolter kàànte proat’n de lèu oaver de Langstroate. ’N Ôôld’n Stroek vertelt det zien vaa nog drei bunder hei en venne had op de Hôch. Zommers gung ze der hen, um törf te stekk’n. Zie heuld’n in die tied ôk à van een geintje. Zô was ter op de Stroek an de Langstroate een peerd dôôd egoane. Ne kôôldslachter uut Markel, die had er het vel of edoane en den had evroag’n of ter leefhebbers wadd’n um det vel op de kroewaag’n noar Markel te breng’n. Epke Janzers was doar wà vuur te vind’n. Vuur een kwartje wol hij biej de winterdag wal wat biej verdeen’n. Het vel wörd’n in mekaar erolt en toen môs ter kofiie word’n edrunk’n. Één van de ààndere knecht’n maakt’n van die gelèègnhèid gebruuk um in het vel, ne grôôt’n zoerkôôlkei te stopp’n. Noa de koffie gôôi’n Epke de kruuwaag’nligters oaver de schoolder en vertrök met de woord’n, “Het is zwoarder dan ‘k arg in harre.” In Markel dèud’n ze het vel van de waag’n en toen rold’n den grôôt’n kei ‘m vuur de veute. ’S Oamds tikk’n der eene op de roet’n met de vroage, “Dach ie det ze in Markel gen zoerkôôlsteender hadd’n?” De jongs uut de Langstroate haal’n in die ôôle tied hoolt op biej de boer’n, vuur het Poasvèur. At ze neet wat krèèg’n of te wèinig klunk het ôôle versje; Boaven in de hemel, doar hangt ne zak met zemel, doar hangt ne zak met pierenkruud, doar kik ne gierigen duuvel uut. De buur’nplich was heilig. Toen der op ne nach onmeunig völle schnèè was evöll’n en der een paar daage later ne begrafnisse was, hölp de hèèle Langstroate met um de weg schnèèvriej te maak’n. Het verhaal geet det, in mei van det joar de bult’n schnèè nog langs de lagg’n. Het schient det er ôk ôôit suldoat’n hebt elèèg’n an de Langstroate. Één van de officier’n was van adel . Hij heur’n det er ne Jonkheer van Coeverden wonn’n en kek raar op toen e op ’n Schöppert, ne gewoone boer’nfemilie antröf. De verhaal’n riegt zich an mekaa. Het verhaal van vrouw Preuter, diet, um Sint Joapik, binn’nkump en tèèg’n eur man zeg, “Roopt de jongs want biej de Hidder bint ze al an ’t haar’n det het zoest.” Köj’ oe vuurstell’n det de Bèuzebarger boer’n met vracht’n hoolt noar Zutphen gung’n um te verkôôp’n. Daag’n wadd’n ze ôônderweg en de ôôle verhaal’n oaver het uutmoord’n van de stad in 1572, duur de Spaans’n, kwamm’n noar boam’n.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.