• Leven in Holten
  • Contact
  • Leven in Holten
  • Contact

De elfde van de elfde

21
GEDEELD

Het rèèngt een betje. Toch mar èèm’n noar de opening van het nieje carnavalsseizoen. Ongedwung’n zit de feestvierders met mekaa biej Toontje. Opvallend völle jonge lèu. Het dut good um te zeen, det er ieder joar nieje anwas is. De Fienpreuvers hebt een good joar ehad. Bienoa 800 leed’n. Doar wördt traktèèrt op katjesdröp, arnopoez’n en ne versnapering. Prins Hens löp op de laatste beene en bedàànkt hofbarhoolder Jaap vuur de verleende dienst’n. Tèèg’n een uur of nèènge kômt de onverwoesbare Brààndheultjes binn’n. Ôk doar wat nieje gezicht’n. At zie anstalt’n um wier noar buut’n te goan, kump de hèèle meute der achteran. Van de veert’n heurj’ de bekèènde deuntjes op oe of kômm’n. Hier en doan geet een raam lös um te kiek’n wat er an de hàànd is. Op ’n Smidsbeelt loa’k ze an miej vuurbiej goan. Op noar de nieje Hofbar, Ab en Merie van Boer Biet. Zie bint bèire al op lèèftied, mà nog jôônk van geest en nog altied neet verslett’n. Het dut good um, noar vèèr joar, wier met al die jonge lèu oaver de delle noar binn’n te goan. De Kèunedarpers bint wier thuus biej de oer-fienpreuver. Vanof het begin is Ab al in het pak van de Fienpreuvers. Netuurlijk ziene generatie slöt wal is een feesje oaver, mà dit joar zöw w’em wier vaake zeen achter de bar. Gelukkig steet e der neet allèène vuur. Ôk Marie, met de wichter en kleinkinder bint besmet met het carnavalsvirus en helpt, doar woet het nèurig is, geerne met. Het is gezellig in het al ôôle café. In plaats van, Appie tap toch niet zo snel, omarmt de jeugd het ôôle lied, Hoolten mien làànd, làànd van Keunedarpers. Drei kèèr verzöppen en vèèr kèèr verbràànd, toch blif het altied nog Hoolten mien làànd. Zoaterdag wördt biej het Bôônte Peerd, de nieje Prins bekèènd emaakt. Vuur de allerleste kèèr köw we, nog één kèèr, geniet’n van prins Hens van Kalverderk en adjudant Zum Wolthaus. Op noar de 52 ste prins van Kèunedarp. Wie zal het wèèr? In gedacht’n riej’ op huus an. Vèèr’nvèèrtig joar elèène wörd’n de nieje prins ekèuz’n biej Amicitia. Noe zal het enthousiasme, um elf minuut’n oaver half elme, het Bôônte Peerd op ziene ôôle grondvest’n, loat’n davern. Alles verààndert, één dinge is hetzelfe blèèm’n. Um te sprekk’n met de wieze wèure van nen ôôld prins. “Oene beste kammereui zit biej de Fienpreuvers.”

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.