• Holtense Index
  • Smidsbelt webcam
  • Leven in Holten
  • Contact
  • Holtense Index
  • Smidsbelt webcam
  • Leven in Holten
  • Contact

Eindelijk kampioen

Nee, ie kômt er neet zô vaake meer, mar ie blieft oen kluppie volg’n. De kààns’n lekk’n een stuk minder, noa het verpletterende verlees tèèg’n Èènter. Gelukkig was het eenzelfde golve as in 1978. Noa een môôi begin, begun het vlaggeschip te verleez’n. Hèèvige discussies in de kantine, eindigden met het kampioenschap en de het môôie wandbord “Wie wies is stille”. Toch nog kampioen, thuus tèèg’n Sallandia. Wat er toen gebuur’n, was ne stormvlood van wille. Jong en ôôld feest’n twei daage vedan. De kantine commissie leup in de trainingspakk’n van Sallandia. Drei en twintig april 1978, ne doatem um nôôit te vergett’n. Jammer genog kon Hoolt’n het dèirdeklasserschap mar een paar joar vaste hôôld’n. De dèirde klasse het grôôte doel van disse generatie. Vèèr’nvèèrtig joar noa doatem, het kan gen toeval wèèr, bint ze wier kampioen van de vèèrde klasse. Eindelijk is de jeugd of van, vrogger was alles better. Wat toen kon, blik noe ôk te könn’n. Het clublied van Hoolt’n uut 1975 gaf het al an. “Eens zal den dag toch kômm’n, dan is Hoolt’n kampioen.” Hatstekke môôi vuur de club en het bestuur. Vuurzitter Robert Oolbekkink zet de traditie duur. Zien opa was onmisbaar in het elftal en det kost’n ‘m ne lèèm’nslange schorsing. Vader Gerrit maak’n zich onmisbaar met zien prachtige kopball’n en Robert is noe de terecht, greutse vuurzitter van zien vlaggeschip. Gefilstèèrt en blieft nog lange noa geniet’n. De voetbalbestuurders uut 78 waar’n ôk carnavalsvierders. Zie hebt doar boam’n een good woordje doane. Sikretaris Jan, wat zal e glemm’n, Toontje, de man van het schaak’n, eindelijk wier kampioen en Fons, heerlijk feest, saam’n met vuurzitter Jan, vuurop in de polonaise. Zie hebt het prima uut ezoch, want het grôôte voetbalfeest geet oaver in een daverend zommercarnaval. Vèèr’nvèèrtig joar noa doatem, het hef zô mött’n wèèr. Zommercarnaval, de slöttels bint in hàànne van Prins Buisman van het lech. Hij hef de duuzenden lôôpers van de oamdvèèrdaagse binn’n zeen kômm’n en bereidt zich noe, met Adjudant Pech ôônderweg, vuur op de optocht diet duur Hoolt’n zal trekk’n. Doar boam’n hebt ze môôi weer vuur ôôns in petto, lekker zunneke, met drei en twintig groad’n. Voetballers, carnavallisten, leefhebbers en vrèimd’n goat een machtig weekend intèèg’n. De wille zal grôôt wèèr, noa alle ellende die we met mekaa hebt duurstoane, met al die ofgelastingen en in huus zitt’n. Noa ne verpletterende nederlaag toch nog kampioen word’n, carnaval in juni. In Hoolt’n kan het àmoa.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.