• Holtense Index
  • Smidsbelt webcam
  • Leven in Holten
  • Contact
  • Holtense Index
  • Smidsbelt webcam
  • Leven in Holten
  • Contact

De boer’n, de börgers en de buur’n

Lekker èèm’n een kaartje legg’n. In één kèèr schrik ie van het onmeunige lawaai det er duur de stroate roast. Netuurlijk ie wèèt det er her en der in het làànd eprotestèèrd wördt en det de räännekes van het touwloatbare wordt op ezoch en eschund’n. Het völt neet good te proat’n. Dikke vieftig trekkers booldert duur het darp, in de richting van de snelweg. As det mà good geet. ’S oamds zeej’ op de tillevisie det er oaverà onröste is ewes en det het op wat plaats’n compleet uut de hàànd is eleup’n. Doar bint lèu diet veer oaver de strèèpe goat. Dit kan zô neet vedan goa. Plietsiewaag’ns wordt met grôôte mokers ôônder hàànne enömm’n en underste boam’n egôôit. Stopt er met! Woer is de wieshèid? Op de proatprogramma’s pröt iedereene zien streuitje schôône. Actievoerders wördt vanalles evroag’n, duur duurgewinterde vroag’nstellers. Ie scheet er neet völle met op. Politici proat met mel in de môônd. Rutte veroordeelt terech het geweeld, mà van de premier mag ie meer verwacht’n. As het verstàànd dan neet bie de actievoerders zit, màj’ det toch wà verwacht’n dat die biej ôônze bestuurders in Den Haag. Roopt de boer’nleiders op um te kômm’n proat’n. Geeft de roadelôôze boer’n een betje uutzich op de wat er àmoa steet te gebuur’n. Kômt uut die ivoor’n toorns, loat het nuchtere verstàànd het winn’n van al det geweeld. Het minste wàj’ touw könt geem’n is toch wà det, de wieze van de muziek neet ech zuuver is. Ne kneival maak’n wil nog neet zegg’n dàj’ de minste bint. Loaw we der met mekaa vuur zörg’n det er gen dôôi’n valt. De minste wèèr wil gen ééne. Winn’n steet vaake vuurop, wis en waarachtig,ôk de kômmende drei wekke biej het wielrenn’n. Wie kump ter met den gell’n trui an in Parijs.Wie pakt het greun en wie de bolletjes. De buur’n (Les voisins) bint er kloar vuur en iedereene mag met doon. Vult de formulier’n in en stuurt ze op tied noar, https://voisinvoisin.jimdofree.com en ie hebt drei wekke laànk extra plezèer van de Tour de France. Het breg oe op ààndere gedacht’n. Loaw we hopp’n det het röste gif. In bèire gevall’n geeldt det iedereene zich an de rèègels heult. Loaw we der vuur zörg’n daw we met mekaa vedan könt, de boer’n, de börgers en de buur’n Het zôl môôi wèèr as iedereene, gezôônd en wà de eindstrèèpe haalt.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.