• Leven in Holten
  • Contact
  • Leven in Holten
  • Contact

Wanneer zal de balle wier roll’n?

4
GEDEELD

Bladerend duur een ôôld beukske zeej’ ze àmoa vuurbiej kômm’n. De held’n uut oen jeugd. Dorpsfiguur’n, de mèèst’n heij’ nôôit zeen voetball’n, mà zie wadd’n altied biej de wedstried’n van de rôôd zwart’n. Àj’zundags ’s middags ôônder de grôote poorte hen sjeez’n, ’n bult op noar het sportdal, dan stun ze an de poorte, um de kas te spekk’n, petröllieboer Johan Bronsvoort en toto-koning Henk Tuller. Wiej schreeuwd’n van veert’n à, dondermadeur en racenden der keihard langs hen. Èèrs nen ijsco van Tiekink. De wedstried is à gangs. Ie zeet Willem Oolbekkink de schouwmaker op ziene karakterestieke wieze langs de liene goan, felle korte pasjes, met de kop in de nekke. De schouwmaker, hoe vaake heiw we der neet ne balle op e haalt. Ja ie könt het oe neet vuurstell’n, doar wadd’n gen ball’n um met te voetball’n. Hij had er een paar, ie wèèt wà, nog ôôlderwets, zunne leer’n binn’n- en buut’nballe, met ne dikk’n veter der op. Àj die balle, precies met den veter, op de plette krèèg’n, kôj’het drei daag’n later nog zeen. Het veeld was onmeunig slech, nog ech ne knoll’ntuin. Det kon ôk neet ààns, alle wekke tien wedstried’n op det ééne veeld. Gelukkig wörd’n det later op de Meermanskààmp better. Het beukske breg miej veerder trugge. De oprichting van de voetbal, met een man of wat in de ôôle bakkerieje van Wàànsink. Het zal der wà lekker warm weer’n ewes. Met zien all’n um de dèègtoafel en nen oav’n dent nog an het noagleui’n is. Àmoa eenvoudig, mar ideaal um te vergaadern. Gerrit Jan Aaftink, van Cèènts wörd’n de èèrste vuurzitter, Het gung neet van een leien dakje. De Hoolter gemeenteroad verbeui het voetball’n op zundag. Met zeum’n stemm’n vuur en vèère tèèng’n, was het gebuurd met het roewe voetbalspölleke. Hoolt’n haal’n de Telegraaf. Het zag ter neet good uut, ôk sommige oolders zagg’n det voetball’n neet meer zitt’n. Det roewe gedoon van de jonge lèu, diet op zundag half naakt tuss’n het karkvolk duur banjerden, det kon toch neet. Ja, kleedkamers hadd’n die kleine clubs neet. Zie môss’n zich ààns umme an trekk’n biej een café en dan met zien all’n, tuss’n het karkvolk duur, noar het voetbalveeld. Gelukkig wörd’n de soep neet zo heete egett’n as det ze wörd’n op edeent. Vuurzitter Aaftink en sikretaris Wissink gung’n de Barg op, um de kwestie te besprekk’n met börgemèister, Baron van de Borch van Verwolde. Hij brach de oplössing. Met ne rolle jutte van Ter Hörs uut Riess’n wörd’n het veeld of e slött’n van de buut’nwereld en konn’n de karkgangers, zôônder las van blôôtighèid noar de karke. Zie krèèg’n een grôôt glas port en een tientje vuur de kas. Zingend en voldoane daal’n zie van de Barg of. Zie môgg’n wier voetball’n.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.