• Leven in Holten
  • Contact
  • Leven in Holten
  • Contact

Vuur àmoa Karsfees

0
GEDEELD

Het joar zit ter op. Det wil zegg’n, dit is de leste Viefkop van 2010. Volgend joar half januari goaw we wier vedan. Doar veuilt altied wier wat te schriem’n oaver het Hoolt’n van vandaage, oaver de politiek en oaver dinge uut vroggere tied’n. As alles duur geet kump begin volgend joar mien dèirde book uut, met as titel, “Goolden Treuintjes” Het hef te maak’n met het goold en de troan’n van Mark, mar ôk met het geluk en vedreet van iedereene . In dit book ôk gedich’n en verhaal’n diet neet in de Hoolter Kràànte hebt e stoane. Zelfs een paar in het Hollàànds. Det heult in, dè’k doar de kômm’nde tied völle met gangs binne. Vuur oele àmoal noe èèrs, een gelukkig, zalig of gezèègend Karsfees, ne goeie joarwisseling en een hèèl good begin. Blieft gezôônd, met völle geluk in Niejoar.

Karsfees vuur àmoa.
Het joar is umme, een book is uut.
Tweiduuzend elme, een niej geluud.
Het ofschèid maakt miej neet ech bliej,

Wat breg het vôt, wat dichterbiej?
Oh Nieje Joar, wat zöj’ ôôns breng’n,
Toch wier vedreet, wie zal het zegg’n.
Wiej hopt vuur àmoa ’t allerbeste.

Armood is wà, het allerleste.
Èèrs nog het karsfees, Stille Nach.
Het christuskeerltje wörd’n e brach.
Hèèl lange lèène is ’t geboor’n.

Het nieje lech, midwinterhoorn.
Ie heurt het klaagende geluud.
Gen mèinse geet de duure uut.
Het is buuten starvenskôôld.

Zie zeukt de warmte, jong en ôôld.
De schnèè die dwarrelt uut de lôch.
Mien ôôge, diet de veerte zoch.
Oaver ’t kôôle làànd zô leuig.

Ne koppel weelde gàànz’n vleuig.
Schreeuwend um lech, zeukt ze de zunne.
Warmte, die ‘k de lèu zô gunne.
Een warm geveul, vervleuig’n tied,

Wat is ter nog en wat bin ‘k kwiet.
Karsfees kump en zal wier goa
Hèèl hèinig an, kump ’t Nieje Joar.
Ôôldjoarsoamd, woer blif de tied.

Hèèl èèm’n nog, dan biej ’t wier kwiet.
Mèèns’n allèène, verget ze neet,
Zô det zie wà de sterre zeet.
Ôôit stun ne sterre an de lôch,

Vuur een ki-nd, det neet noar binn’n hen môch.
De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.