• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Ne Prins van ‘t lech

Det köwwe gebruuk’n in disse duustere tied’n vuur Sunterkloas en de Karsdaag’n.

Duustere daag’n diet nog duusterder bint duur al die rèègeltjes diet ôôns vanuut Den Haag wordt op eleg. Woenneer wordt de tied’n is wier normaal? Ne vroage woerop wiej het antwoord schuldig blieft. De tied is biej wieze van sprekk’n neet een uur trug ezet, mà eerder een joar. Toch zöw we met mekaa duur den zoer’n appel hen mönn’n biet’n en det geet ôôns lukk’n, wis en waarachtig. Het èèrste lechpunt is ter à, Prins Buisman van ’t lech. Saam’n met zien’n knech, Pech ôônderweg, trekt ze dit joar de koare van het Kèunedarpse Carnaval. Vuur degennege diet doar neet vrolijk van wordt, Sunterkloas kump disse wekke ôk noar Hoolt’n, saam’n met zien adjudant Piet. As klap op de veurpijl, kump oaver ne wekke of wat ôk nog de Karsman disse kàànte uut. Zô is ter vuur iedereene genog um noar uut te kiek’n. Het zal àmoal wal een betje ààns wèè as ààns, mà met een betje inschikk’n, kump het àmoa in klôômp’n en schoone. Ôôndertuss’n zit er wà wier ne hôôp mèèns’n in zak en as, um det virus det iedere kèèr keihard um zich hen grip. Zie wèèt er zich in Den Haag ôk gen road met. Zie hult zich in het duuster. Dèènk’n in oplössing’n, zörg’n det biej iedereene het lech en de kachel kan bliem’n bràànd’n. In Hoolt’n geet det vaste wà lukk’n met Sunterkloas, Prins Buisman en de Karsman. Môch’n zie toch een betje van het padje raak’n, dan bint er altied nog, knechje Pech Ôônderweg en Adjudant Piet met Peerdje, Oh zo Snel. Nee, hier löst het zich vanzelf wal op. Hoolt’n is noe al in de juuste stemming, oaveral brààndt de lechjes. Nog èèm’n en ie zeet ze alle dreie duur Hoolt’n goan. Oaver ne goeie moand heiw we Karsdaag’n en Ôôld en Niej. Wie meugt toch hopp’n det de rèègels dan neet meer zo scharp bint en daw we fetsoenlijk biej mekaa oaver de vloere könt kômm’n. Heerlijk geniet’n van de pannekooke met worst, noa het keerskes bràànd’n op ’n Barg. Èèm’n stille stoan biej die jonge jongs diet eur lèèm’n gaff’n vuur ôônze vriejheid. Lustern noar de ôôle verhaal’n van Derk met de Beer en het Kindeke Jezus. As det neet meer kan, dan wördt het tied det de Prins van de Fienpreuvers zien lechje is een kèèr opstekt in Den Haag.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.