• Leven in Holten
  • Contact
  • Leven in Holten
  • Contact

Iedereene hef geliek

0
GEDEELD

Heij’ ôk geintressèèrd e kekk’n noar ’n film oaver den still’n oorlog in Riess’n? Het völ hard met. Ie zôll’n zegg’n, niks niejs ôônder de zunne. Het lèèm’n kan in röste en vrèè vedan goan. Loawe noe eerlijke weer. De grötste pertieje in Riess’n möt niks hemm’n van het gelèuve van de Moslims. Àànsumme bint ter ôk zat lèu diet niks möt hemm’n van de SGP. De PvdA vindt het gebed in de roadszaal mà niks. De VVD gif duudelijk an det ze wà zôônder wilt. Vuur de leeve vrèè löt Gemeentebelang het vuur wat’ is. De CU en het CDA könt ter met lèèm’n. De hèèle politiek pooldert een betje met mekaar an. Zie doot wat eur in’ kroam te passe kump. Netuurlijk hef Ben Beens der meuite met as ter een roadslid in möt wordt e zweur’n op de Koran. Een roadslid heurt neet te word’n in e zweur’n op de Koran en ôk neet op ’n Biebel. Zie heurt in e zweurn te word’n op ôônze grôôndwet. Wiet eur doar met helpt of wat ze gelèum’n wilt, möt ’n ieder zelf wèèt’n. Het wördt tied det de politiek het gelèuve verwis noar de plaatse woet het heurt, in de karke, de synagoge, de moskee, of gewoon thuus. Het is good vuur te stell’n, daj’ oe ongemakkelijk veult aj’ as Moslim neet biej de grötste club in Riess’n-Hoolt’n heurt. Detzelfde geveul heij’ ôk, àj’ as Hoolter buut’n het college wordt e slött’n. Det màj’ de SGP ôk nog neet kwoalijk nemm’n ôk neet. Loawe eerlijke weer, wiej hebt vuur vèèr joar trugge hetzelfde kunske flikt. Het is neet ààns. Den film oaver Riess’n lig good biej de woarheid, màr um det oorlog te neum’n geet te veer. Doar bint tweij dinge op e völl’n in de èèrste plaatse Harm,.as bewonderaar van Belcampo. De schriever diet Nederlàànd wakker schudd’n op de tèlevisie met “Het grôôte Gebuur’n.” Ôk toen gung’n der lèu nen onverwach’n weg, ôk al wadd’n ze, volgens eur, van de goeie karke. Ôk toen gung der lèu nen onverwach’n weg, zôônder det ze van die karke wadd’n. Belcampo, ne beroemden Riesner zönne, dent in Riess’n völs te volle wördt dôôd e zwèèg’n. In de tweede plaatse völ op, den Riesner Turk. Gen gelul, waj’ ôk bint, waj’ ôk gelèuft, gewoon oe zelf bliem’n, oen beste doon en geniet’n van wat de plaatse, woej lèèft, oe gif. Oaver vèèr joar àmoal goan stemm’n en wie wèèt, wèèjt ter dan wier nen ààndere wind duur ôônze gemeente. Het is noe één kèèr zô, aj’ oe met oe volle verstàànd ansluut biej ne plaatse as Riess’n, of aj’ der as Moslim goat wônn’, möj oe good realisèèr’n det doar alles net iets ààns is, as in de rest van Nederlàànd. Een gezegde det nog altied opgeeld dut, Riesner bint neet slech, Riesner bint ààns. Wis en waarachtig.

De Vèèrkàànte Viefkop.
 

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.