• Holtense Index
  • Smidsbelt webcam
  • Leven in Holten
  • Contact
  • Holtense Index
  • Smidsbelt webcam
  • Leven in Holten
  • Contact

Ie heurt nog is wat

Koningsdag, wat hebbe wiej könn’n geniet’n. Een lekker zunneke, een paar groad’n warmer was nog meuier ewes. Biej de Coöp op het plein heur ie uut de veert’n de Möll’nzangers, Sallàànd, Sallàànd, hier is mien stea. Ie bint wier thuus en dan op ’n Beeld, ééne kluurige massa van kinderklèèdjes met spöllegood en ààndere oaverdoad. Wat een drôkte en wat een gezellighèid. Doar was ne complete file rôôndum de karke. Koningsdag, jong en oold genöt , het kon en het môch wier. As ie, een half uur later, ‘n Beeld wier op komt bloast de Brààndheultjes zich de long’n uut het lief. Èèm’n de röste zeuk’n, met een oranjebittertje, biej Ab en Marie. Machtig môôi, ôôle tradities, het heurt er àmoa biej. Op de tillevisie zingt ze, het is ne kwestie van gedeuld. Het zal bliek’n daw we det gedeuld in Hoolt’n misschien ôk wier vèèr joar möt hemm’n. Een telefoontje, de kleinwichter bint gearriveerd. Nog één kèèr de markt oaver en oe dan verlekkern an nen oranjesoes en een biertje. Biej het scheid’n van de markt nog èèm’n een paar nöskäskes versier’n en dan op huus an. De Brààndheultjes bint uut ebloaz’n en zeukt zich vermoedelijk ôk ne weg noar de oranjebitter. ‘S middags muziek op het plein. Alle terass’n gezellig vol, mà de muziektèènte blif leuig. Det gif oe wà de tied um biej te proat’n. Het schient det ze in Riess’n an het formèèr’n bint. Het gung à rôônd det ne meerderhèid van de pertiën een vuurstel geet doon um eindelijk de winkels in Hoolt’n op zundag lös te krieg’n. Het lik ter op det dit vuur Gemeentebelang ten koste geet van de formatie. De SGP geet, zô te heur’n, saam’n met de CU, het CDA en de VVD in een college zitt’n. Drei pertien diet àmoa ne zetel verleuirne hebt. Gemeentebelang, met twei zetels winst, valt buut’n de boot. Hoe köj’ het bedèènk’n! Noe mà hopp’n det die winkelopening op zundag duur geet, dan hebt ze in ieder geval nog iets bereikt. Toch blief ie met ne kater zitt’n as ter zô wèinig wördt ekekk’n noar wat de ontwikkeling is. Het is nog neet hèèmoal rôônd, mà het zal wà vèèr joar bill’n kniep’n word’n vuur al die Hoolter stemmers. Gelukkig bint er ààndere zaak’n, woer ze wà met met mekaar duur ééne duure könt. Vuur alle roadsleed’n, völle wiesheid en den kater, den geet mèèstal noa éénen dag wal oaver.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.