• Leven in Holten
  • Contact
  • Leven in Holten
  • Contact

Hoe völle kan een mèènse verdrèèg’n?

0
GEDEELD

In Amerika gen Clinton mà Trump. Hèèl Nederlàànd stemm’n op Clinton mà nèèng’nvieftig miljoen Amerikaan’n dach’n der ààns oaver. Völle van ôônze politieke keerls maak’n Trump uut vuur vanalles en nog wat, mà de beurz’n vleuig’n de lôch in. Wat wiej hier neet wilt, steet det noe in Amerika te gebuur’n? Wat is ter an de hàànd, wat zeet de lèu, wat de politiek neet zut? Wiej pôch’n op Obama. Kennelijk lig die koers in Amerika toch wat geveuliger. Wiej bint een dag of wat veerder en de weereld drèèjt röstig vedan. In Amerika wördt er nog alle daag’n protestèèrt, mà ôôndertuss’n hef de helfte mà hen stemm’n ewes, die dagg’n, Clinton wint wà.
In ôôns eeg’n läenneke dörf ie hoaste gen vuurspelling meer te maak’n, vaste steet det de PVV noe de grötste pertieë is. Doar bint noe in ieder geval VVD-ers diet touw gèèft det al disse stemmers gen rascist’n bint, mà mèèstal gewone nette lèu. Loaw we in ieder geval àmoa hen stemm’n goan, zôdaj’ achterof oe zelf gen verwiet hooft te maak’n, van hà ‘k mà, want dit hè ‘k neet ewilt.
Zô as ter in Amerika lèu bint diet niks van Clinton wilt wèèt’n bint er in Hoolt’n Riess’n ôôndernemmers diet de gemeente neet zeet as de beste vuur het bedriefslèèm’n. Ôk hier zeej’ de krôônkels van de politiek. Wiej zölt nog een good joar mönn’n wach’n, vuur daj’ oe wier meugt loat’n heur’n. Ôk dan telt, goat wal hen stemm’n, ààns hij wier vèèr joar gen rech van sprekk’n, want één dinge köj’ de Riesner neet verwiet’n, zie goat wà noar de stembusse. Ofgelôôp’n wekk’n kôj’ oen stemme uutbreng’n op de nieje Prins van Kèunedarp. De verrassing was grôôt toen Prins Wonder de Barbier en en Adjudant Dallywood noar vuurt’n kwamm’n. Keunedarp kan vedan. Dit duo hef bestuurlijk völle in de mars. De wonderlijke Barbier drinkt gen ne dröppel alcohol en zien adjudant kan altied nog trugge vall’n op zien ooldershuus, as ’t um politiek geet. Het was ter gezellig vol in het Bôônte Peerd. Doar wörd’n hèèmoa neet e protestèèrt. Het blèèf biej ne kapotte bokse en ne gesnèuvelden bril. Iedereene was bliej met diss’n scheerbaas. Het belöf wat. Wiej hebt in het veere verleed’n al is eerder ne barbier an het roer e had en sinds die tied zit Hoolt’n op e schèèpt met ne carnavalsoptocht. Prins Johan Franz van de Noordenbarg haal’n vuur de èèrste kèèr de slöttels op biej het gemeentehuus. Hij begun in 1972 biej de gemeente oaver het Komplan en noe, 44 joar later, bint ze der nog met gangs. Wiej zölt mönn’n ofwach’n woet dissen barbier met kump. Mà het zôl miej neet verwôôndern at e eindelijk ’n hèèl’n optoch drèuge leg. Det krig e der wà duur, want ôk de SGP zal doar neet tèèg’n weer. As het doar dan mà biej blif, want ie wèèt nôôit hoe völle een mèènse kan verdrèèg’n?
Wis en waarachtig.
De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.