• Leven in Holten
  • Contact
  • Leven in Holten
  • Contact

Bin ie nog plat ewes?

2
GEDEELD

De moand van ’t plat proat’n zit er bienoa wier op. Heij’ der nog an met edoane, of heij’ die ôôle taal vuurgood achter oe eloat’n. Vrog uut de veer’n um de kachel een betje op te stokk’n, het hooft àmoa neet meer. Ie drèèit mar an ne knop en de temperatuur op de kökk’n vlug de lôch in. Wèèj’ nog dàj’ vuur opoe hoolt mônn’n haal’n van de riezemiete? Begriep ie der niks van, het gif neet. Het plat is per plaatse of buurtschap nog verschillend. Distert er neet oaver, mà loat oene gedacht’n èèm’n vriej en dèènkt nog is terugge an de tied, daw we àmoa nog wà femilie hadd’n diet ’s mäns à vrog uut de berrestèè kwamm’n um het huuske op te zeuk’n. De lèu mônn’n der vrog uut. Det was neet arg, zie wadd’n ôk à met de kipp’n op stok egoane. Loat oene gedacht’n nog is goan oaver de wieze woord’n van opoe en opa. Het is een wôôndermôôi tiedverdrief um mekaar op de digitale wereld te bestokk’n met ôôle woord’n en versjes. Ie stoat er van te kiek’n wat er àmoa boam’n kump driem’n. Wie kent ’t neet, Iepmie en Kniepmie, die zatt’n in een bèumpke. Iepmie völ der uut en wie blèèf ter toen nog oaver? Veul ie ‘m. Ie könt er oe môôi èèm’n met vertrèè. Misschien köj’ zelf ne groep opzett’n vuur het Battums, het Loarns of ’t Gorssels. Ie stoat er van te kiek’n wat er àmoa boam’n kump driem’n. Het môôie der van is, ie könt er in april gewoon met vedan goan. Dan kom ie der vanzelf achter wat ne kouw mekèèrt, at e de wrange hef of, de koo is an ’t voel bliem’n stoan. Zeet mar is op facebook, ôônder Hooltns. Ie stoat er van te kiek’n hoevölle belangstelling of ter is, in een paar wekke tieds, à bienoa duuzend volgers. Ech woar, àj’ der één kèèr met gangs bint, raak ie der kàànt an verslaafd en bin ie den kater tèèg’n Fràànkriek hèèl rap vergett’n en àj’ noe nog plat bint, in de beene het wördt vuurjoar.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.