• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Stemplicht of stemrecht

Ja loaw we doar oaver goan knibbeln! Toch, àj’zô de wereld rôônd kiekt, is ôôns stemrecht hoaste wà ne verplichting. In disse tied zitte wiej te bakkeleien, meer vroole in de politiek. Det kan, at alle vroole op ne vrouwe stemt, zô moeilijk is det neet. Netuurlijk, doar bint nog altied partien, zôônder vrouwelijke kandidaat’n, mà ja, ne klèinighèid hôôl ie altied. Politici, van wat vunne pertieje dan ôk, zie beloafd vanalles, dan begint het gepolder en goat de scharpe kàànt’n der of. Toch is het good um de politiek te volg’n. In 1919,noe net honderd joar trugge krèèg’n de vroole pas stemrecht. Opoe, van 1896, heul ôôns dan ôk altied vuur, jonge goat hen stemm’n, het is een grôôt vuurrecht. Zie hef altied estemt en altied op de Christelijk Historischen. Tut 1970 was ter opkomstplicht, gen stemplicht, mà ja, àj’ der hen mônn’n, bracht’n de mèèst’n ôk wà ne stemme uut. Kluurrieke figuur’n heiw we had, nemt noe Pieter Oud, ondermeer oprichter van de PvdA en een paar joar later, in de kamer vuur de VVD. Freule Wttewaal van Stoetwegen, in de joar’n vieftig à vuur gelieke recht’n vuur man en vrouwe en gen ontslag biej huwelijk. Ja, ech woar. Ie zeet ’t zun gevecht duurt lange, te lange. Pertien diet er noe neet meer bint, de CPN, met as onvergettelijke vuurman, Marcus Bakker, op egoane in Groen Links. Wat te dèènk’n van Joop den Uyl (PvdA), den duur de jonge Hans Wiegel (VVD) vuur Sunterkloas wörd’n uut emaakt. Netuurlijk mag de boerenpertië van Hendrik Koekoek hier neet ontbrekk’n. De boer’n kwamm’n in opstàànd tèèng’n het Landbouwschap. Sommige boer’n drèèi’n de bak in. Hij krèèg de stemme van het plattelàànd. Zie kwamm’n in de tweede Kamer. Het dialect drung duur tut in de vèèzels van Den Haag. Ôk ofgelôôp’n joar wadd’n de boer’n wier in de beene. Zie krèèg’n de Zwarte Piet in de stikstofkrisus touw e spölt. Sommige pertien wilt de boer’n halvèèr’n, ààndern umart ze. Disse kèèr bint ze der wier met nen eeng’n pertieje. Doar völt genog te kiez’n, 34 pertien, die zölt het hoppelijk àmoa neet haal’n, want dan wordt de debatt’n wà hèèl arg làànk. Vieftien, zestien en zèumtien meert is het zô veer. De zèumtigplussers hebt dan de stemme al schriftelijk uut könn’n breng’n. Noa zèumtien meert wördt het röstig en köw we het hoppelijk wier vèèr joar oaverloat’n an de lèu diet er vuur duur hebt eleert. Één dinge steet as ne poal boam’n water, oen stemrech is ne duur bevöcht’n plicht. Àj’ neet goat, möj’ oe vèèr joar stille hôôld’n

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.