• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Prins Wokkie, Schnèèvlokkie

Wat möw we der met, wat doo we der met. De wereld is kàànt in de warre. Ééne grôôte schnèèbujje en hèèl Hollàànd lig plat. Gen trein’n meer, gen kràànte en noa nèèng’n uur binn’n de pöste. Hèèl Europa kwakkelt mà vedan, met Nederlaànd vuurop. Zô gangswieze begin ie oe of te vroag’n, hoe lange nog en woervuur. Alles geet verkèèrd. Het inèènt’n geet ôôns neet rap genog. De verwarming löt het ofwèèt’n, het slot van de auto is vaste evreuirne, de wichter konn’n neet noar schoole en det àmoa duur de opwarming van ôôns eerdbölleke. De klèine deerne is verdreetig. Zie hef eur’n tàànd verleuirne in de schnèèmassa.

Hoolt’n, normaal in disse tied, Kèunedarp, lig ter verloat’n biej. Gelukkig hef de buurvrouwe ’n tàànd wier evund’n. Gelukkig bint er ôk nog Prins Wokkie Vlokkie en Adjudant De Buizerd. Zie loat ôôns zeen hoe of ’t möt. Hèèl Hoolt’n krig berich, det de Fienpreuvers nog springlèèvend bint. Zie zet ne stippe op de horizon, det er een zommercarnaval kump. Kiek, doar köw we met vedan. Met mekaa zing’n en feest’n op ’n Beeld. Doar könt ze in Den Haag een vuurbeeld an nemm’n. Ne stippe op de horizon, inèènt’n! Loaw we hopp’n det de kroeg’n nog wat eerder lös könt, mar ôk al die ààndere ôôndernemmers diet zwoar gebukt goat ôônder de moatrèègeln. Het zal stille wèèr dit carnavalsweekend. Gen goodwilloamd, gen optocht, hèèlemoa niks. Goodwilloamd, buut’ngewone verdiensten vuur de Keunedarpse Gemeenschap, zo jammer det de Prins neet mag komm’n, juust noet er zô völle kandidaat’n bint. Buut’ngewone verdienst’n. Natuurlijk vuur de buurvrouwe, diet de tàànd hef e vund’n. Wat dèènk ie van al die lèu diet in de zörg zit, honderd joar voetbal in Hoolt’n en goat zô mà vedan. Prins Wokkie Vlokkie heult het àmoa scharp in de gaat’n vanachter zien flesse, genèèver. Zô te zeen hef e deepe zäkke. Hoppelijk daw we doar vanzommer gebruuk van könt maak’n. Tut zo lange möw we ôôns mà vermnaak’n op de Noordpool, vuurzichtig, mà vastberoad’n, vecht’n tèèng’n de Russische Beer en de Engelse zeekte. Tut in meert zitte wiej ’s oamds op de kökk’n. Vuur de euldern zal det met vall’n, mar ôônze jeugd wil der uut, wil jôônk weer. Loaw we der zien all’n het beste van maak’n. Zommercarnaval met Prins Wokkie Vlokkie en Adjudant De Buizerd, het zôl môôi weer, het möt könn’n, want “Het is ne bezundere tied.” En det is ‘t.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.