• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Het nieje ritme

Wiej bint er nog neet an ewèènt, iele dan? De hèèle agenda is ôôndertuss’n leuig ehaalt. De vakààntie geet officieel nog duur, mar alles zit potdichte en met vèèrtig man rèiz’n in ne busse, lik ôk neet zô jofel. Anbetaling’n bint edoane en vuur de rest wache wiej het mar of. Het bint mà klèine dinge. Àj’ op ’n beeldbuis kiekt, zeej’ de nôôd van ààndern, diet völle grötter is. Zelf komme wiej ’n plas allèène mar of vuur de bosschôpp’n. Gelukkig köw we nog um ’t huus hen lôôp’n. ’n Mestvaalt is inmiddels leuig ehaalt en à wier vol duur de ôôle potstalmethode. Zwoar wark. Inmiddels stoat de èèrste aardbei’n op de ôôle mest. Zô worstele wiej vedan. Het corona-niejs zette wiej mangs op een lèèger pitje. Het is good um het nèudige te wèèt’n, mar of en touw woj’ der kruusdol van. Ôônze mààntelzörg is een betje meer ewörd’n. De thuuszörg kump biej de femilie èèm’n neet meer langs. De kààns van besmetting is te grôôt. Hoppelijk duurt het neet te lange. Zie hebt ôôns noe an eslött’n op de beeldtelefoon van de Zörg. Zô könne wiej en de thuuszörg zeen of de client hulpe nèurig hef of neet. Het bint de niejmoodse dinge woew we met te maak’n kriegt. Gelukkig went det ôk snel. Toch blieve wiej uutkiek’n noar ’n dag, det het àmoa wier wat makkelijker geet. Mar astebleef neet te snel. Loaw we zeen daw we diss’n tèèng’nslag ôônder controle kriegt, zôdet zich alles wier normalisèèrt. Loaw we dan vuural neet vergett’n, wiet de lèu wadd’n diet ôôns der duur hebt eslept. Want loaw we eerlijke weer, wiej hebt de mèèns’n in de zörg, de chauffeurs, de schoolmèisters en juffes en de boer’n, keihard nèurig um de zaak een betje drèèiende te hôôld’n. Netuurlijk vergette wiej dan nog hèèle bevolkingsgroep’n, diet ôôns an het ett’n hôôlt. Netuurlijk heiw we àmoa wat te klaag’n. Natuurlijk was ter, in de politiek, dit en det neet good, mar ôk noe blik det, biej allen armood en verdreet, ôôns Nederland nog één van de beste plaats’n op de wereld is woerj’ könt verbliem’n. Kiek mar is rôônd, zeet mar is wat er àmoa vuurbiej kump op de tillevisie. Biej vlaag’n heij’ der schôône genog van en dan zit er gelukkig nen uutknop op. Nee, het nieje ritme, wiej bint er nog neet ech an ewèènd. Nog èèm’n duurbiet’n en dan met mekaa wier vedan.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.