• Leven in Holten
  • Contact
  • Leven in Holten
  • Contact

Het geet wier gebuur’n

1
GEDEELD

De èèrste kinder hebt plaatse nömm’n in de schoolbàànk’n. Ankommende wekke is het in Hoolt’n ôk wier zô veer. Noa ne lang’n heet’n zommer möt ze de kennis, diet ze de ofgelôôp’n joar’n op hebt e doane, wier noar boam’n haal’n en veerder uutbreid’n. Het schient det die kennis in de vakààntietied drastisch noar beneed’n geet. Volgens sommige ôôle lèu wördt het hôôge tied, det de wichter de schoolbàànk’n wier opzeukt. Vuur de kleintjes zal het wenn’n weer, um noar alle andach, diet ze in de vakààntie hebt e krèèg’n, in het dagelijkse ritme van schoole, kinderopvang en oppassers te kômm’n en netuurlijk geeldt vuur ôôns, verkèèrsdeelnemmers, let extra op. Zie goat wier noar schoole en maakt de mèèst onverwachte capriool’n op de stoepe en de stroate. Ja, wiej loat het zommer zô gangswieze achter ôôns.Het verenigingslèèm’n begint wier te kriebeln. De Kèunefeest’n stoat vuur de duure. Kèunefeest’n, met op zoaterdag het meedeinfestijn van de Hoolter Korhaan’n en al die ààndere koor’n en op de zundagmiddag ôôndermeer, de Diekerhookse Reeperbahner Stemmingsmakers, met Johnnie Ruisdaal. Netuurlijk is ter nog völle meer, mà de zoaterdag- en de zundagmiddag bint toch de gezinsuutjes biej de Kèunefeest’n. Ôôle bekèènd’n zeet mekaa op de Kèunefeest’n in Hoolt’n. Ie meugt neet ontbrekk’n, want het is ter altied, Beeregezellig. Mà doar breuit nog völle meer in het Hoolt’nse. De Fienpreuvers bint à drôk gangs met de nieje Prins Carnaval en zien’n adjudant. Wie geet de koare trekk’n, det zöw we in november pas wèèt’n, biej de elfde van de elfde in het Bôônte Peerd. Ôk de Hooltense kwis is drôk met de vuurbereiding’n. Honderd en vieftig teams meugt er met doon en noa eene wekke, bint er à meer dan honderd inschrieving’n. Lèèst de rèègeltjes good noar, makkelijk wördt het neet, mà wà machtig môôi um met te doon. Zörgt dàj’ der biej bint. Netuurlijk, koning voetbal mag hier neet ontbrekk’n. De balle rolt à wier. Wiej zölt de trots van Twèènte op een lèèger nivo goan volg’n. Zie zölt stèèvig an de bak mönn’n, ààns blif de eredivisie vuurlôôpig buut’n beeld. De training’n biej de Blauw Witt’n en de Rôôd Zwart’n bint ôk gangs. Wiej goat ze volg’n want alle teams goat netuurlijk vuur het kampioensschap.Trouwens hij die nieje buskes e zeene. Miene èèrste gedachte was det het gesponsorde buskes wadd’n van FC Twente. Det hà ‘k kàànt mis, het bint de nieje buskes, diet mèèns’n op ne gekôôpe menèère van Hoolt’n noar Riess’n könt breng’n en det neet àllèène, binn’n de gemeente noar alle bestemming’n. Ne hèèle goeie rèègeling, want biej alle feestelijkheed’n en evenemèènt’n, geeldt nog altied, glèèske op, loat oe ried’n.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.