• Holtense Index
  • Smidsbelt webcam
  • Leven in Holten
  • Contact
  • Holtense Index
  • Smidsbelt webcam
  • Leven in Holten
  • Contact

Gelukkig Niejjoar

Met dàj’ ’t zegt, besef ie hoe betrekkelijk of det is. Vèèrtien daag’n gen kràànte en doar gebuurd vanalles. Wille, verdreet, verwacht en onverwacht. Vuural in de tied rôônd Karsfees en Niejjoar is det vaake hèèl dubbel.
Tweiduuzend twei en twintig hef zich ontrold en drei en twintig is nog een bienoa geslött’n book. Vuur sommige families is het noe à meer dan genog. Toch heiw we met zien all’n wier een hèèl joar te goan. In het alfabeth biw we an ekömm’n biej de T van trouweriej’n en uut de tied raak’n. Het heurt biej ’t lèèm’n, alhoewà op det leste zitte wiej ech neet te wacht’n.
Met stille verwôôndering gliedt de gedacht’n trugge noar die ôôle rouwkoetse met peerde der vuur. Vol eerbied zee ‘m van tied tut tied noar ’t Karkhof goan. Deepe ôônder’n indruk trekt ze langs oe hen. De lèu, àmoal in t zwart der achter. Woenneer zôl e vuur ’t leste gebruukt wèèr?
De nieje tied, vervoer per auto. Lange neet altied meer noar ’n Karkhof, cremeer’n vindt meer en meer ingàànk. Loaw we trugge goan noar de wille in ’t lèèm’n, jonge lèu, trouweriej’n. Het bruidspaar kump het gemeentehuus uut en de niejsgierigen stoat te kiek’n, hoe ’t de bruid er uut zut. Ie zeet het nog zô vuur oe. Ôk à neet meer van disse tied. Het is neet meer vanzelfsprekk’nd, dàj’ vanof het gemeentehuus trouwt.
Nee, det köj’ tèèngswoorig zelf bepaal’n. Het maakt neet zo völle uut, mà het ôôle gemeentehuus blif ne môôie locatie um vuur te kiez’n. Ne môôie plaatse um veerder de wereld in te trekk’n en van tied tut tied is een kèèr trugge te kômm’n. Trouweriej’n, niej lèèm’n, opgreui’nde wichter. Wiej zölt ze bliem’n volg’n op hun’n weg noar de volwass’nhèid.
Ne nieje generatie, ne niej’n börgemèister, nieje bouwplann’n vuur de Waardenborch op het Vletgoar. Het carnaval steet vuur de duure. Ie zeet doar is genog te doon. Zô zal het opgerolde kniepertje van 2023 zich hèinig an ontroll’n. Blieft er van geniet’n, zo lange as ’t kan.
Vuur àmoal een gelukkig Niejjoar.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.