• Leven in Holten
  • Contact
  • Leven in Holten
  • Contact

Film tuss’n de kachelheultjes

1
GEDEELD

Sjonge, jonge wat ne drôkte, ie wèèt neet waj’ èèrs of les möt doon. Blieft astebleef röstig, ik heb ’t àmoa vuur oele op de riege ‘zet. Zie hebt er in Splôô speciaal ne ruumte vuur e maakt, gewoon buut’n in de vrieje natuur. Vuur ‘t geeld hooj’t neet te loat’n. Half nèènge, op 29 augustus, tèèng’noaver Pasmansweg nummer achte. Onmeunig môôi, wie hef ter noe à eerder ne film e kekk’n, zô mar in de buut’nlôch. Keulte hooj’ neet te lièd’n en drèuge hôôl ie ’t ôk wà. Ne film oaver Derk met ’n Beer, met völle Hoolter volk ter in en de maker kump ter speciaal vuur noar Splôô um tekst en uutleg te gèèm’n. Zörg daj’ der biej bint. Het wordt zo wie zo drôkke daag’n. Àj’ der nog èèm’n tuss’nuut wilt en neet wilt verdwaal’n, zundagmiddag, 31-8-2015, àmoa noar Markel. Zie hebt er altied ech ne môôi’n optoch, met dit joar as ôônderwarp, Markel oaver tied. Ik wèèt ’t wà, wiej möt Sallàànd èèm’n uut noar Twèènte, mà zie wilt bes wà geerne een betje Hoolter volk hemm’n, al was ’t allèène mà vuur ’n umzet. Àj’ leever neet langs de Poppe goat, fiets dit kèèr mar oaver de Borkeld en de Hôch. Ie wilt neet zo veer van huus, kômt dan op vief september noar’n Smidsbeelt. Loat oe van of vèèr uur verrass’n op de Uutmarkt. Vuur iedereene is doar wat te belèèm’n. Kom op, uut den lui’n stool, geniet’n van t lèèm’n in het hartje van Hoolt’n. Môch ie leever noar ’n Achterhook goan, dan hè’k good niejs, want ne wekke later köj’ het, in het Geelderse Loarn, nog is dunnekes oaver doon. Doo‘t astebleef hèinig an, want ààns mis ie de Kèunefeest’n. De Kèunefeest’n, vuur de viem’ntwintigste kèèr. Gen mèinse had det vuur viem’ntwintig joar trugge e dach. Een stelletje feesvierders diet dach’n daj’ in Hoolt’n ôk een grôôt fees konn’n organiseer’n. De gemeente en de handelsvereniging zagg’n het neet zô zitt’n. Gelukkig wadd’n der toch nog ne hàànd vol sponsors en een stelletje eeg’nwiez’n diet duur drukt’n. Deepe in de schuld begunn’n ze an het grôôte avontuur. Met kromme tèène stunn’n ze te kiek’n of de Hoolter wà woll’n kômm’n. Gelukkig, zie kwamm’n, vuur Harm uut Riessen, Gert en Hermien Timmermans, Piet Veerman en nog völle meer en noe, viem’ntwintig joar later, bint de Kèunefeest’n neet meer weg te dèènk’n biej de Hoolter en steet het hèèle darp as ne poal achter dit machtige Hoolt’nse feesje. Een feest vuur jôôngk en ôôld. Het zal wier helderop duur de tèènte klink’n, Hoolt’n mien làànd en neet te vergett’n ôôns Salland, Sallàànd. Nog is de kooke neet op, want in de leste daag’n van september is het wier Battemse Karmse, honderden joaren ôôld en doar is altied völle wille in det plèitske, pal ôônder ‘n rôôk van Dèimter. Nee, ie hooft de kommende moand ech neet achter de geraniums te zitt’n. Wis en waarachtig neet.
De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.