• Leven in Holten
  • Contact
  • Leven in Holten
  • Contact

Ab van Boer Biet, Keunedarper van 86 joar

59
GEDEELD

Met opa, op de stange van de melkfietse, kwam ie vuur de èèrste kèèr trechte in de gelagkamer van Ten Veele zien’n Jan Alb. Het was het begin, nen èèrste kennismaking met Ab en det bezundere café. Oaver de delle, vuur de beeste langs, kwam ie binn’n. Achter ’n tap stund Ab met zien moo. Hij voetball’n toen al in één van de hèugere elftall’n van de Rôôd-Zwart’n. Wiej zôll’n ‘m nog hèèl vaake tèèg’nkomm’n. Àj’ tèèg’n melk’nstied oaver Te Veele zien’n kààmp zwarv’n, zag ie ze beneed’n in de weire an ’t melk’n. Met zien belspeerd gung e völle joar’n duur Hoolt’n, met onmeunige grôôte vôôrs met hèui. Zô hèinig an nam hij het café oaver van zien vaa en moo en wörd’n het, het voetbalcafé van Hoolt’n. Lange neet iedereene had toen à tillevisie en zô zatte wiej, in ne volle gelagkamer, te kiek’n noar die onvergettelijke voetbalwedstried’n. In het mill’n van de zestiger joar’n zat ik zelf uur’n biej ‘m op de delle um melkmôônsters te nemm’n. Op de iesbaane môj’ neerig anpoot’n um ‘m, op de schaats’n, biej te hôôl’n. In ôônze jonge joar’n stun e an de weege van carnavalsvereniging de Fienpreuvers. Inmiddels was Albert Jansen, à lange um edèupt tut Ab van Boer Biet. Het café wörd’n belangrieker dan de boerderieje en het melkvee, op de delle, môs wiek’n vuur de nieje tied. Ab wörd’n meerdere kèèr’n kampioen met ziene veteraan’n, diet biej ‘m in ’t café, in de dèirde helfte, biejpreut’n. Het biljart was altied drôk bezet en onvergettelijk bint de gezellige oamde, met potstôôt’n en het rad van avontuur. Ôk in Duutslàànd zagg’n ze ’m, meer dan vèèrtig joar, in plaats’n as Braunlage, Altenahr en Rüdesheim, as vuurzitter van ziene reisvereniging “De Ooievaar”. Netuurlijk stun e an de weege van de Hooltense Kèunefeesten. Het leefste in de coulissen, mà hij was ter altied. Één kèèr in ’t joar trök e met ziene meuige noar de Battemse Karmse. Vuural as de mark op ziene èine leup, koch Ab de restanten gevèugelte en àànder spul op, um te loat’n bezörg’n biej ‘m op de boerderieje. De Battemse karmse en de Keunefeesten goat ‘m nog altied neet mis. Noa al die joar’n in de Road van Elme, zit e noe in de Senaat. Met een antal van die keerls leg e nog alle wekke een kaartje. Zoaterdagoamd wörd’n e, in de bomvolle zaal van de Poppe, beneumd tut “Keunedarper van het joar”. Prins Shadow oaverhandigd’n Ab de versierselen, met de biej beheurende oorkonde. Zien dàànkwoord was kort, mà hij geneut dubbelop van alle felicitaties diet e in ontvangst moch nemm’n. Een waardig “Keunedarper van het joar”

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.