• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Zô bliej as een klein kind

Van ôôldsher was ‘t op ’n èèrst’n dôônderdag in mei, biddag vuur’t gewas, Hoolter meimarkt en wasdag vuur ‘t gebit. In de vroggere tied ne hèèle belangrieke markt. Van oaveral kwamm’n de lèu noar Hoolt’n, um te kiek’n of ter wat van hun gading was. De leste stoeptrekking’n doarvan hebbe wiej nog met emaakt. De boer’n maakt’n der ne dag uut van. De school’n wadd’n vriej en de mooders gung’n met de wichter richting Kalfstermanswèire. Ech nog ne weire woer het hèèle joar duur nog wel een beesje het grös leup op te kèww’n. Èèm’n met moo op de foto en dan vedan. Doar stund’n de kèunekôôplèu, in ne lange riege, achter de hegge, langs het Zwarte Pad, um de môôie roze kèuntjes an de man te breng’n. In tèume van zesse of achte laag’n ze in de benne, deepe in ’t strôô. Zô of ten touw wörd’n der eene biej de achterpoot uut egrepp’n, um te loat’n zeen hoe good of ze wal neet wadd’n. Het was ne drôkte van belang. Het krioeld’n der van de zwarte pett’n en manchesterse bokses, in ne steuirigen stroom noar en van het cafë van Kalfstermans Mans. Op de ààndere kàànte stund’n der ôk nog wat beeste an de stange. Het allerbelangriekste vuur ôôns was de drèèimölle en de zweefmölle. Met een dubbeltje in het knuuske wacht’n wiej op ôônze buurte. De schik was grôôt. Een zalig geveul doar, in die wèire mill’n in Hoolt’n. Det geveul borreln noar boam’n, toen ‘k lèèz’n det de Kèunefeest’n wier duurgung’n. Natuurlijk op de Kalfstermanswèire, al zöj’ der noe gen grössprietje meer zeen. Eindelijk heiw we wier wat, um noar uut te kiek’n. Gen geouwehoer van môôndkäpkes en àànderhalm’n meter, mà gewoon wier ôôlderwets, inheuik’n en der an met de lippe. Vuur de wichter wier de drèèimölle en de kop van jut. In ne lange riege stoat ze te wacht’n um op die kiste te houw’n. Lekker rôôndhang’n op het plein met een biertje of ne buul patat. Keiharde muziek kump ter vanuut de tèènte. Vrouw Begeerding löt wier te völle beenvlèis zeen. Het maakt neet uut. Korhaan’n in oavervlood. Ie hooft ze neet vuur völle geeld uut Zweed’n te haal’n en de Hoolter deerns zingt uut volle börste. De lèu geniet, noa al die tied van het lèèm’n op àànderhalm’n meter. Nog èèm’n gedeuld, het is nog gen september, mà dan geet het lös. Hoolten mien làànd, làànd van Kèunedarpers. Drei kèèr verzöppen en vèèr kèèr verbràànd…

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.