• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Het zal oe mà gebuur’n

Ie hebt de auto noar de garage brach vuur ne grôôte buurte. Onwennig riej’, in ne völle klèinere leenwaag’n, op huus an. Èèm’n heij’ de gedacht’n der neet biej. Ie gèèft, ne van rechts kômmenden auto, net iets te wèinig ruumte. Gelukkig, het geet neet hard, gelukkig, neet zô völle schaa. Niks an de hàànd, snel op e löst, zôj’ zô dèènk’n. Ja de verzekering uutèindelijk wà. Het grôôte probleem is det de man in kwestie stok- en stokdôôf is. De conversatie met de tèèng’npertieë wil mà neet vlott’n. Die belt eur man, um te vroag’n, wat wiesheid is. Zô kump de plietsie der an te passe. Doar geet de man neet better van heur’n. Hij hef het oaver vèèrtig joar schadevriej rie en veult zich vèèr van good behààndeld duur ôônze dienders. Hij veult de hellighèid in zich opkômm’n en wil noar huus. Doar nemt de keerls netuurlijk gen genoog’n met. Zie dirigeert ‘m in de plietsiebusse en zo brengt ’m op de plaatse. Het onbegrip is allèène mà grötter ewörd’n. Zien riebewies möt e inlèèvern, want zie hebt àllèène mà wartaal eheurt. Hijzelf hef niks met ekrèèg’n, want hij hef ziene geheurapparaat’n in huus loat’n ligg’n.

Diss’n moes krèèg nen akeligen lang’n stat. Doar gung berich noar het CBR, det de plietsie twiefeln an ziene riekunst’n. Det môs onderzoch word’n.

Àj’ neet metwarkt, kriej oe riebewies neet wier. Èèrs vèèrhonderd drei en dartig euro “opleggingskost’n” oftikk’n, dan kriej’ het pepiertje trugge, mà volgt er ne verplichte kuuring. Het lug ter neet umme. De neuroloog breg ôk nog is drei honderd nèèngtig euro in rekkening. Gelukkig blik det er niks an de hàànd is, de geheurapparaat’n doot eur wark en volgens de neuroloog kump alles good. Bliej en voldoane rit e in zien eeg’n vervoermiddel wier op huus an. Helaas, het blik det e suuker hef. Niks niejs, det hef e à joar’n, mà het CBR wil doar ôk een ôônderzeuk vuur. Det mag dan wier neet bie oen eeg’n dokter. Ie möt er zelf eene vuur opzeuk’n. Ie magt nog wier dartig euro oftikk’n. De destbetreffende arts kik in het dossier en zut de ôônderzeuks resultaat’n van nog mà kort elèène. Het is good, hij zal alles opstuur’n en noe mà hopp’n det uutèindelijk het CBR tevrèine is. Inmiddels is de man vèèr moand veerder en dikke acht honderd euro lichter. Zien vertrouw’n in de overheid is neet better ewörd’n. Het is te hopp’n det e vanof noe de oor’n in dut, det schèèlt ne hôôp narighèid en stress en ààns, wiet neet heur’n wil, möt mà veul’n.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.