• Evenementen
  • Holtense Index
  • Smidsbelt webcam
  • Leven in Holten
  • Contact
  • Evenementen
  • Holtense Index
  • Smidsbelt webcam
  • Leven in Holten
  • Contact

Heij’ ’t al ezeene? Deja vu?

Wiej bint er ewes en het is merakels môôi ewörd’n. Wat lik het grôôt en wat een môôie kluur’ncombinaties. Wiej wadd’n der à vrog, um te geniet’n van een drei gang’n menu. Het gung een betje ààns. Met een uur leup het Bôônte Peerd voller en voller. Ie veul’n der oe as vanôôlds thuus, met Nikkels en Egbert as vertrouwde monumèènt’n in ne Aziatische umgèèving. Det gung ôk makkelijk, want links en rechts haj’ de bekèènd’n um oe hen zitt’n. Àj’ het èèrste toetje ophadd’n, nam ie der geröste nog eene. Ie hoom’n de menukaarte mar rech op te zett’n en doar kwamm’n ze à wier opheur’n. Het is èèm’n wenn’n, drei vuurgerecht’n en dan an de soep beginn’n, zô lekker, truffelsoep met paddesteule. De tied vleuig vuurbiej en noar twei kipp’npeute, ne biefstuk en twei steaks begunne wiej, noa acht gang’n, an het toetje. Wie hebt er vèèr uur van genött’n en zölt er vaste nog wal is wier hen goan. Oe zelf lekker verwenn’n, biej al die narigheid. Ja het is ter àmoa nog en wier. Corona blif nog altied rôôndgoan, wiej zölt er wal nôôit wier vanof kômm’n. Ôk de Taliban bint er één kèèr wier. Twintig joar làànk hebbe wiej de Afghaan’n op e leidt en zôônder slag of stôôt steet de Taliban in één kèèr wier in Kabul. Honderden Westerse suldoat’n hebt eur lèèm’n egèèm’n. Woervuur? Woer is det opgeleide Afghaanse lèèger? Woer bint die leiders van det volk? Ie vroagt oe warkelijk of woerumme ow we der ôôit hen bint egoane. Politiek, het blif onduurgrôôndelijk. Zie hebt het neet an zeen kômm’n. De vluchteling’nstroom’n komt wier op gàànk. Oaveral in het buut’nlàànd protestèèrt de Afghaan’n. Het stikstofprobleem is nog neet op e löst en ôônze bevolking greuit alle daag’n vedan. Ôônze leiders blieft zeik’n en bint, zo te zeen, nog niks veerder met de formatie, as vuur vief moand trugge. De tied geet gewoon vedan, de wichter goat kommende wekke wier noar schoole, de zommer is zô good as vuurbiej. In Limburg bint ze an het biej kômm’n van al det water. Loaw we hopp’n dat det ôôns met röste löt, alhoewel, het kump nog altied met bäkke teglieke uut de lôch. Biej al disse ellende is het lekker, àj oe is ôôlderwets könt loat’n verwenn’n biej Deja vu in ’n Diekerhook. Niejderwets ett’n op nen ôôlderwetse stèè.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.