• Leven in Holten
  • Contact
  • Leven in Holten
  • Contact

De ôôg’n lös hôôld’n

1
GEDEELD

Netuurlijk möw we die bleute help’n. Het is neet um an te zeen. Doar maw we de ôôg’n neet vuur dichte doon. Gisteroamd zat ik te doez’n vuur de de tillevizie. Vanuut mill’n Afrika zag ik grôôte groep’n lèu de narighèid in eur eeg’n làànd ontvluch’n. Nen oamd eerder zag ik ne grôôt’n trein, boordevol mèèns’n op weg n noar huus vuur het offerfeest. De èèrste ruzies tuss’n de vluchteling’n hier, bint er al e wes. Christenen en Moslims diet mekaar het lèèm’n zoer maakt. Jonge keerls diet zich misdrèègt teeg’n de mèèikes. Honderdduuzenden, det bint er nog mar een paar, mar à’k de geleerd’n möt gelèum’n. Doar komt er nog völle meer. Kunduz is in hàànne van de Taliban. De Heer’n politici stoat met de môônd vol tàànne. Zie hebt het neet makkelijk. Wie köw we nog gelèum’n?! Doar wördt volop e schött’n in Syrië en Afghanistan en wat dach ie van Mali en Iritrea. Alles kump op Europa an. Det kan neet vedan bliem’n goan. Assad steet op ummme vall’n. Det kan Ruslàànd wier neet gebruuk’n. Loaw we hopp’n det de grôôt’n mekaar könt vind’n. Met IS an de poorte van Europa en Ruslàànd wördt het er neet better op. Hèinig an, ô’k noe wille of neet, valt miej de ôôg’n dichte. Syrië is half leuig e leup’n, doar wont er twei en twintig miljoen. IS is kepot en het hèèle làànd ôk. Grôôt’n armood. De vluchteling’n wilt neet wierumme, want Assad is gen hoar better. Europa gif honderd miljoen an de Iretreese regeering, diet van gen kàànte klopt. Europa is nog nôôit zô verdeeld e wes. Grèènz’n wordt dichte gôôit. De lèu diet hier hen komt bepaalt zelf woet ze hen wilt. Doar woet ze het mèèste geeld kriegt netuurlijk, det zôw we zelf ôk doon. Ik zee ne trein van Hoolt’n noar Dèimter rie, doar zit er meer op as ter in. An alle kàànt’n hangt ze der met de beene uut. Woer goat die dan hen? Àmoa noar Den Haag. Het is denzelfden trein as van det offerfeest. Vol is vol, heur ik miejzelf zegg’n. Doar is gen hôôld’n an. Zie oaverspeult ôôns. Köw we nog wà bliem’n wônn’n of möw we zörg’n daw we met het leste gammele bootje nog net Engelàànd könt bereik’n, um veerder te goan noar Amerika. Loaw we hopp’n det ze ôôns helpt en det ze vuur ôôns de ôôg’n ôk neet dichte doot. De schrik slöt oe um ’t harte. Wakker word’n!! Gelukkig is het nog neet zô veer. Loaw we hopp’n det ôônze leiders de juuste beslissing’n nemt. Een gezwel möj’ neet duur loat’n etter’n. Doar zal wat mönn’n gebuur’n. In disse tied met berichtjes oaver de hèèle wereld, kan het neet zô weer det alles op Europa ankump. Det gif onröste en kan neet good goan. Doar zal wat e doane mönn’n word’n, Um met nen ôôle wiesheid te sprekk’n, zachte hèèlmèisters maakt stink’nde wôônd’n. Wis en waarachtig.
De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.