• Evenementen
  • Leven in Holten
  • Smidsbelt webcam
  • Evenementen
  • Leven in Holten
  • Smidsbelt webcam

Wat ne wekke

Doar zôl schnèè kômm’n. Van alle codes wadd’n der e gèèm’n. Gespann’n zatte wiej te wacht’n en met ôôns de kinder. Mà het duurd’n en het duurd’n en ten lange lest’n völ der een dun leuigske. Lèu diet neet al te vrog uut de veer’n wadd’n, mark’n ’t agèèt neet. Met ’n middag was alles à wier vôt. Gelukkig wadd’n der fanatieke fotograaf’n diet ôôns op de sociale media met leut’n geniet’n van winterse plaatjes. Het lek wà of de oamdklokke al in was egoane. Ie zagg’n gen mèènse op stroate. Het antal corona besmetting’n daalt, mà noe is ter wier een Brits ôônderkroepsel, wat ôôns de dasse umme dut. Àmoa vanof acht uur ’s oamds in huus bliem’n en nog mar één man teglieke op visite. Het zal toch neet woar weer? Hoe lange hôôle wiej det vol? Wiej wacht het of. Het is te hopp’n det de resultaat’n van het inèènt’n de ciefers noar beneed’n drukt. Niks duurt eeuwig möj’mà dèènk’n. Zô is het ôk met president Trump. Noadet z’m môônddôôd hebt emaakt, noa zien’n dramatisch’n oproop um noar het Capitool te goan, is e disse wekke vertrökk’n uut het Witte Huus. De leste wekke hef e niks ààns meer edoane as zeute brèudjes bakk’n, mà wiej zölt hem ôôns herinnern as de man diet verbaal vuurop gung in die fatale mars, um de democratie um zèèpe te help’n. Onbegriepelijk, det er zô völle mèèns’n, disse man, eur stemme hebt egèèm’n. Mà ja, zie hebt ôk mà twei pertien um uut te kiez’n en de winnaar krig alles. Det is in ôôns Nederlàànd wal èèm’n ààns. Nèèng’ntachtig pertiën. Het lik een betje oaverdrèèm’n, mà wiej hebt wat te kiez’n en de stemm’n goat neet àmoa noar de grötste partieje. De politiek is inmiddels drôk gangs um stemm’n binn’n te haal’n. Links en rechts wordt de pijl’n of eschött’n um zelf mà zô good mèugelijk uut de busse te kômm’n. Loaw we hopp’n det het de kommende joar’n vuur de Amerikaan’n better geet. Loaw we hopp’n daw we in ôôns làànd de röste bewaard en met mekaar de onzichbaare virusvijand versloat. Gelukkig blif het biej ôôns in Darp nog biej vroagstukk’n as, wat vukke naam’n de stroat’n möt krieg’n. De naam’n vleegt oaver het internet. Naam’n van mèèns’n diet ech wat vuur Hoolt’n hebt betèèk’nt. Politiek Hoolt’n lustert noar de lèu, lustert noa wat er lèèft, lustert noar de Hoolter kiezers. Doar woer ne wille is, is ne weg.

Weerman Freddie Paalman

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.