• Leven in Holten
  • Contact
  • Leven in Holten
  • Contact

Twintig joar “Kèunefeest’n”

0
GEDEELD

Àmoal een passe partout en àmoa ne vlagge an ’t huus. De tied vlug vuurbiej. Vuur een kleine twintig joar hà ‘k de eere um met ne enthousiaste koppel fienpreuvers, het èèrste Kèunefees in de steigers te meug’n zett’n. Het was ne hèèle ôôndernemming. Geeld was ter neet en gen mèinse diet garant wol stoa. De sponsoor’n leut’n ôôns neet in de keulte stoa. Der wörd’n duur e zat en an ’t èine van de rit waw we der uut e sprung’n en het zôl neet biej één Kèunefeest bliem’n. Noe, zô völle joar’n later, kiek ie der op trugge en zeet een professioneel georganiseerd feest.

In de beginjoar’n was het behelp’n. Oaverà zoch en vun ie hulpe. Hulpe van HMV, diet ôôns de klèèd’n vuur het toneel leen’, de MAC, woej nôôit vuur ne dichte duure stunn’n. Al die vriejwilligers diet in al die joar’n gung’n vuur hun eeg’n “Kèunefeest”. Organisèèr’n is ééne, mà de hàànne loat’n wappern is vaake nog belangrieker. Nôôit zà ‘k vergett’n dà ‘k met Anton van ‘Leermèister in ziene warkplaatse achter ’t huus het Kèunefeestlogo zagge ontstoan. Van een piepklein stukske papier wörd’n e op a bloaz’n tut een vark’n van formaat en een paar daag’n later leupe, duur vakkundig wark van School’n en Gaike, as een ech feestvark’n boam’n duur de tèènte. Wiej wadd’n ééne grôôte femilie en iedereene dèu meer as zien beste. Kalfstermansweire, lag ter nog biej as ne peerewèire. De toiletwaag’n was nog hèèl éénvoudig. Eff’n een grôôt gat in de grôônd en doar leup alles in. Noa ’t feest wörd’n de zaak wier dichte schèum’n. Det was neet het allerschôônste wark, mà Bulleke en Beesje leut’n oe neet zitt’n, ôk neet at de artiest’n ’s oamds laate is een kèèr wier hatstekke vaste in ‘drek zatt’n op ne totaal verrèèngde weire. Zô was het met iedereene diet met dèu um dit gebuur’n tut een succes te maak’n. In det èèrste joar, ne Twèènts’n oamd met Gert en Hermien Timmermans. Ôk Piet Veerman kwam in det joar noar de Hoolt’nse Kèunefeest’n. De vuurzitter sprök an ’t èine van het èèrste Kèunefeest “Neet te gelèum’n, wat een machtig fees. Wat een machtig “wiej”-geveul. Wiej hebt de lèu loat’n zeen, dat wat ze in de umligg’nde plaats’n könt, in Hoolt’n ôk kan. Doar zit onmeunig volle manuur’n in, mà het was de meuite weert. Iedereene bedàànkt. Ik goa vandaage neet zegg’n of ter een Kèunefees 1992 kump. Èèrs daale wiej of noar de warkelijkhied, de beire beene vaste op de grôônd. Wiej goat evalueer’n en kiek’n wat ter uut kump. Kèunefees 1991 is in alle opzicht’n geslaagd en wiej wilt dit fees ofsluut’n met het ôôns zô vertrouwde Sallandlied.” Det was zundag vieftien september 1991. Volgende wekke is ’t wier zo wiet, vuur de twintigste kèèr, fees, fees, Kèunefees. Àmoal hèèl völle wille, wiej zeet mekaa, wis en waarachtig.

De Vèèrkàànte Viefkop.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.