• Evenementen
  • Verenigingen
  • Bedrijven
  • Webcam
  • Evenementen
  • Verenigingen
  • Bedrijven
  • Webcam

Môôi vuur mekaar

Vol goeie mood stapp’n wiej vriejdag in het buske. Op uutnèuriging van Prins Wonder môch e wiej met langs de school’n hen. Det was dit joar minder rèiz’n as eerdere joar’n. Het dut nog altied zeer det de Splôôse schoole de mederne tied neet hef oaverlèèfd. Doar steet tèèg’noaver det ze in ’n Diekerhook ne machtige môôie schoole hebt en zie vroagt ôk nog ne niej’n direkteur. Doar kwamme wiej neet vuur in anmarking. Wiej stunn’n der van te kiek’n hoe piko medel z’t er vuur mekaar hebt. Gen ôôlderwets krietbord meer, mar een spiksplinterniej, computergestuurd, schoolbord. De juffe leut zô mà de foto van de Prins noar vuurt’n kômm’n en de wichter môch’n der zelf ne snorre biej an kluur’n. At oen hoar mà good zit. Dikke wille. Doar stunne wiej met ôônze ervaring van dikke zestig joar trugge. Met een stroef stukske kriet krass’n ie, met völle meuite, de a van aap op het bord. De juffe kek ôôns verwôônderd an. “Heb iele het aap, noot, mies nog e leert?” Um te loat’n heur’n daw we in die tied good hadd’n e lustert vleuig de ôôle leerstof binn’n ne halve minute duur de klasse. Èèm’n zat e wiej wier bie juffe Jo Wolters in de klasse en schreeuw’n net zo lange aap, tut daw we der hèès van wadd’n. Àj’ mazzel hadd’n môch an het èine van de lesse het bord schôône maak’n. Zô kwam ie met grôôte stoflong’n in huus. De tied’n bint veràànderd. Op de Hoolterèènkschoole meugt ze ôk grèuts weer, à wier zô’n machtig môôi gebouw. Riess’n-Hoolt’n timmert an de weg, de gemeente wèèt van anpakk’n, want de tèèkening van de nieje Haarschoole zut er ôk machtig medern uut. Zie möt nog èèm’n wacht’n en dan hebt z’t ôk môôi vuur mekaa. Zie zit zôlange in de ôôle Kolschoole, kort biej en doarumme gung’n alle Hoolterenk-kinder in ne lange polonaise noar de wichter uut de Haar. Belaad’n met kedootjes en de boek vol limonade, kôn ze beginn’n an de vakààntie. Jammer det de Rèèg’nboage nog neet met dut. Dan hà ‘k miene eeg’n kleinwichter ôk ne kleinighèid könn’n gèèm’n. Het zôl môôi weer, vuur alle kinder Sunterkloas en Zwarte Piet, mar ôk de Hoolter Prins met zien’n Adjudant. Loaw we ofsprekk’n det ze volgend joar met doot. Det möt könn’n in 2017. Noe haw we wà môôi tied um ’s middags, vuur het èèrst in joar’n, wier noar de Diessenplas te goan. Bingo stun der op het programma. Merakels môôi, de ôôle lèu genött’n, met de Fienpreuvers, van de presentatie van Ôôld Prins Soer van de Walboer. Dit is een ôônderdeel wat ieder joar op het programma deent te stoan. Vuur de Fienpreuvers ne middag woet ôônze senior’n van hebt genött’n. Belaad’n met prieze zoch’n ze tèèg’n een uur of vèère de kamers wier op. Wiej stapp’n in het buske met gedach’n, hoe dàànkbaar ôj’ meugt weer dàj good könt. Wis en waarachtig.

De Vèèrkàànte Viefkop.

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Meer nieuws

Log hieronder in op je account

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.