• Evenementen
  • Webcam
  • Evenementen
  • Webcam

Machtig môôi

Links en rechts heur’n ie detzelfde commentaar en zô was ‘t. Dôônderdag haal’n wiej de kinder van schoole en die hadd’n in de feesttèènte genött’n van, Adje voor de sfeer. In de auto noar huus gung het feesje met dit versje nog èèm’n vedan. Vriejdagmiddag, met 1200 man, op noar het borreluurtje. Het weer was good, zô good det meer as de helfte van het volk buut’n zat en de officiële opening neet met krèèg. Het môch de pret neet drukk’n. De lèu genött’n van de onmeunige lekkere hapjes, van zalm, mosseln, slaatjes en saté. Zô good was het nog neet eerder. In ’n tweiduuster fietst’n wiej op huus an. De vriejdagoamd heiw we eloat’n an de jungere garde. ’N ààndern männ’n um tien uur stun e wiej in de tèènte te kèèr’n um het feest op de zoaterdagmiddag een vervolg te gèèm’n. Alle toafels wörd’n verlöst van de leste klodders saté en verschroald bier. De organisatie stun kloar met brèudjes, patates en frikandell’n. ‘S middags leup de tèènte vol met zang- dart en scheetleefhebbers. De senioor’n konn’n geniet’n van de Hoolterdeerns. De Hoolter Korhaan’n kwamm’n speciaal met ne machtige medley van Queen. Tuss’n de bedriem’m duur wörd’n Thomas van de Kuule, Keuneschutter en het dart’n gung de hèèle middag, bienoa ongemarkt, vedan. De zoaterdagmiddag blif ne môôi’n middag vuur de feestvierende gezinn’n en senioor’n. Het weer dèu der op zundag nog een schepke biej boam’nop. Zowà de tèènte as het hèèle plein was mudje vol. Ech karms’ngeveul. De jonge jongs nam bezit van het plein en het geluud davern duur tut oaver ’n Smidsbeelt, met nummers as, van links noar rechts en we hebben een woonboot. In de tèènte vleuig ter van alles duur de loch met “Liever te dik etc”. Iedereene had schik. De patatkroam drèèj’n oaveruurn, good old Benny zat er tevrèènne biej te kiek’n. De kleintjes stunn’n in de file vuur de kop van jut, wiezend noar het prieske, det ze woll’n hemm’n. Ôônderhet ôôge van de wethoolder dôômpeln hèèl Hoolt’n zich dissen middag ôônder in een geweldig môôi feest. Machtig det dit ieder joar op disse menèère kan. Met dàànk an de commissie, mà vuural an al die vriejwilligers, diet er daagen en wekkenlàànk drôk met bint. Van het opbouw’n van de tèènte tut het schôône oplèèvern van het hèèle terrein. Wiej hebt de teller wier op 360 ezet, want dan bint er wier Kèunefeesten, vuur en duur hèèl Hoolt’n. Machtig môôi, wiej hebt genött’n.

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Meer nieuws

Log hieronder in op je account

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.