• Evenementen
  • Verenigingen
  • Bedrijven
  • Webcam
  • Evenementen
  • Verenigingen
  • Bedrijven
  • Webcam

“Kultuurhuus Holten”, köw we neet wat ààns bedèènk’n?

Het Stichtingsbestuur heult de zaak’n strak in eeg’n hàànd. Niks gen geouwehoer met Riess’n. Gewoon oen eeg’n bèuntjes döpp’n. Doar veuilt alles vuur te zegg’n. Toch kan ‘k miej vuurstell’n daj’ op zien minst’n een lusterend oor könt hemm’n. Goeie road is duur, vandaage an’ dag en aj’ det zôônder veerdere kost’n könt krieg’n is det allèène mà met e nömm’n. Ôk het Stichtingsbestuur möt neet dèènk’n det de bèume tut in’ hemel greuit. Het lik ter noe op dat ze näns wat op uut doot. Ik lèèz’n tenminste det ze ôôndertuss’n beslist hebt det ’n naam van het nieje Hoolter huus, “Kulturhus Holten” wördt. Ne weereldvrèim’n naam vuur Hoolt’n. Ne naam dent eerder drèèmpel verhôôgend as drèèmpel verlèègend warkt. Noe blif het kiez’n van ne naam altied moeilijk en doarbiej geeldt ôk nog, zô völle mèèns’n, zô völle zinn’, zô völle wörste, zôvölle pinn’. Mà toch, in dit geval is dit neet allèène iets van het Stichtingsbestuur, det könt ze wà dèènk’n, mà zô is het neet. Het is toch de bedoeling det hèèl Hoolt’n gebruuk geet maak’n van det huus. Hèèl Hoolt’n en de vrèim’n möt zich hier thuus veul’n, ôk de grötste kultuurbarbaar’n. Het is toch neet de bedoeling det allèène de hôôgheid hier noar binn’ löp, mar ôk ôônze jeugd en de gewone man der gebruuk van maakt? Doarumme möt den naam duur de Hoolter bedach word’n. Ie gèèft mà één kèèr, vuur hèèle generaties làànk, ne naam. Vuur mien part schakel ie de Ôôldheidkamer der bie in of wat dan ôk. Komt met een vuurstel, woet uut e kèuz’n kan word’n. Det nieje gebouw verdeent ne môôi’n naam en neet het kluurlôôze “Kulturhus Holten”, woer ter darttiene van in’ dozien goat. Al eerder bint ter naam’n an e drèèg’n. Herhaal’n hef hier gen zin, mar een paar ààndern diet miej te binn’scheet, Kultuurhuus De Denneboom, met ne verwiezing noar het hèèle ôôle gemeentehuus of Kultuurhuus De Zwaan met ne verwiezing noar den prachtigen tèègel det in het gebouw zit. Zô bint ter vaste nog wà môôie naam’n diet rech doot an de cultuur en geschiedenis van Hoolt’n. Loat het Stichtingsbestuur wèèt’n wat volgens oe de naam zôl mött’n weer. Het nieje darpshuus is vuur ôôns àmoal. Doar möw we ôôns àmoal thuus veul’n en neet allèène een bestuur. De Kèune op ’n Beelt möt grèuts weer at ze straks wier stoat te glemm’n vuur het Kultuurhuus De Weggestapel, noar het aldereuldste kasteel van Hoolt’n, ik neume mà ne ziedstroate. Kulturhus Holten, nen nikszeggenden naam, mà wie wèèt kump ter niks ààns uut de busse en zöw wet ter met mönn’ doo. “Kultuurhuus Holten”. Mà zôj ’t dan astebleef nog op zien Hoolt’ns will’n schriem’n. Wis en waarachtig.

De Vèèrkàànte Viefkop.
 

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende

Reacties 22

  1. H. SCHIPPERS says:

    is de naam Kulturhus “de Keunekeerl” niet passend? Holten was immers het dorp van de Keunekeerls(biggenhandelaren) de varkens van Kees Bos voor de deur en een mooi logo met daarop het silhouet van een biggenhandelaar maken het plaatje compleet. In de zomer kan men dan voor de toerist een soort historische markt organiseren met streekprodukten en wat vee op de vernieuwde smidsbelt, past mooi bij het landelijke karakter van heerlijk Holten!
    Han Schippers

  2. H. SCHIPPERS says:

    is de naam Kulturhus “de Keunekeerl” niet passend? Holten was immers het dorp van de Keunekeerls(biggenhandelaren) de varkens van Kees Bos voor de deur en een mooi logo met daarop het silhouet van een biggenhandelaar maken het plaatje compleet. In de zomer kan men dan voor de toerist een soort historische markt organiseren met streekprodukten en wat vee op de vernieuwde smidsbelt, past mooi bij het landelijke karakter van heerlijk Holten!
    Han Schippers

  3. @ henk says:

    nee!!!!!!!!!!!!!

  4. @ henk says:

    nee!!!!!!!!!!!!!

  5. Freddy G says:

    Als je Holten belachelijk wil maken dan moet je het zo noemen.

  6. Freddy G says:

    Als je Holten belachelijk wil maken dan moet je het zo noemen.

  7. h,schippers says:

    sorry heren, ’t was maar een idee….

  8. h,schippers says:

    sorry heren, ’t was maar een idee….

  9. Mans says:

    Je ziet hoe belangrijk de naam is.De Kèunekeerl is altijd al beter dan het kleurloze kulturhus Holten.Bedenk nog eens een aantal andere namen. En natuurlijk horen de Kèune op de Smidsbelt.

  10. Mans says:

    Je ziet hoe belangrijk de naam is.De Kèunekeerl is altijd al beter dan het kleurloze kulturhus Holten.Bedenk nog eens een aantal andere namen. En natuurlijk horen de Kèune op de Smidsbelt.

  11. Loffy says:

    Het is wellicht een goed idee om de Holtense scholen erbij te betrekken. Misschien iets van een prijsvraag? Op die manier wordt de jeugd meteen goed betrokken bij het Kultuurhûûs en daarbij, kinderen zijn heel creatief.

  12. Loffy says:

    Het is wellicht een goed idee om de Holtense scholen erbij te betrekken. Misschien iets van een prijsvraag? Op die manier wordt de jeugd meteen goed betrokken bij het Kultuurhûûs en daarbij, kinderen zijn heel creatief.

  13. seino voortman says:

    lijkt mij prima plan Loffy.

  14. seino voortman says:

    lijkt mij prima plan Loffy.

  15. Mans says:

    Een trekpleister voor decennia; Mark Tuitert kultuurhuus

  16. Mans says:

    Een trekpleister voor decennia; Mark Tuitert kultuurhuus

  17. @win says:

    Kèunehûs???????

  18. @win says:

    Kèunehûs???????

  19. snies says:

    Noaberhuus?

    Johan Schuppert

  20. snies says:

    Noaberhuus?

    Johan Schuppert

  21. J.Jansen says:

    Woerumme neet gewoon,

    ’n Smidsbeelt

    Det ut nen egten Holtensen naam mut wëën steet vuur mi’j vaste.

  22. J.Jansen says:

    Woerumme neet gewoon,

    ’n Smidsbeelt

    Det ut nen egten Holtensen naam mut wëën steet vuur mi’j vaste.

Geef een reactie

Het e-mailadres wordt niet gepubliceerd. Vereiste velden zijn gemarkeerd met *

Meer nieuws

Log hieronder in op je account

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.