• Leven in Holten
  • Contact
  • Leven in Holten
  • Contact

Im weissen Rössl

0
GEDEELD

Stun ik vuur ne wekke of wat trugge het Sallandlied oaver ’n Beeld hen te zing’n, noe bin ‘k an ‘t oefen’n met Im weissen Rössl. Vuur miej hè ‘k de reisbeschrieving van de kommende vakààntie. Binnenkort hop ik stoan te zing’n an de Wolfgangsee. Ja, op de plaatse woer det bekèènde hotel steet. Im weissen Rössl, het dut miej dèènk’n an die prachtige vuurstelling’n uut mien jeugd. Die vuurstelling’n biej de feestbèume, achter in ’t Sportdal en op ’n Beeld. Titels as, Stefan Borkos en Im weissen Rössl bint vuur altied in mien gehèug’n egrift. Zô iets grôôts, zôl det in diss’n tied ôk nog könn’n? Natuurlijk, fanfare kon ôk, of is dit nog völle grötter? Miene gedacht’n sloat op hol. Het möt könn’n. Volgend joar steet de viem’nzèumtigjeuirige hedenking en bevrijding op de rolle. Ie zeet het à vuur oe, hèèl Hoolt’n versiert, een machtig decor op ’n Beelt, met hèèl völle vereniging’n, diet met doot um dit gebuur’n vuur Hoolt’n onvergettelijk te maak’n. Peerde diet oaver’n Beelt draaft, ôôle motoor’n diet zô mar duur het beeld goat. Teneelspöllers diet de kiekers loat geniet’n van, ja van wat. HMV, diet ôôns à zô vaake hef verrast met passende muziek. Zangkoor’n diet op alle heuke van ’n Beeld eur vriejheidsleedjes loat heur’n. Ja, wat vun stuk möt det dan word’n? Wie geet doar in vuur? Iedereene hef dan à zô völle ààndere dinge biej de hakk’n. Völs te völle wark. Mà toch, ik schrikke wakker. De reispepier’n bint op de grôônd evöll’n. Loat het veerder röst’n, èèrs kiek’n, wat ôôns de rèize brech. Het zut er good uut Salzburg, de stad van Mozart, een operetteconcert, Salzkammergut en Berchtesgarden. Het zet miej opniejs an het dèènk’n. Wie kwam doar toch ok à wier vedan. Loat röst’n, het is vakààntie, tied um te geniet’n. Tied um nieje ideeën op te doon. Vuur iedereene diet er ôk èèm’n tuss’nuut geet, völle wille en komt àmoa gezôônd wier. En vuur degennigen diet in Hoolt’n blieft. Hoolt’n is zô môôi. Neet vuur niks zwarft hier de vrèimd’n langs de wèège. Ie möt het àllèène will’n zeen en dan noa het rôôndfiets’n of toer’n, èèm’n ne versnapering op n Beeld of biej den Dikk’n Steen op het nieje Enklaarplein.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.