• Leven in Holten
  • Contact
  • Leven in Holten
  • Contact

Hoolt’n möt greun bliem’n

1
GEDEELD

Misschien bin j’ der ofgelôôp’n zundag al wes kiek’n, misschien is het langs oe hen egoane. Heij’ oen warkzame lèèm’n achter oe eloat’n en wiej’ geerne, zô of en touw, toch nog in de buut’nlôch gangs weer, dan köj’ an de slag in Splôô. Alle zoaterdaage bint ze doar met ne hèèle koppel, in het buske, tèèng’noaver Pasmansweg, nummer achte, bèèzig um eur doelstelling’n woar te maak’n. Vriejwilligerswark, buskes ôônderhôôld’n en rotzooi opruum’n., Het is neet zo zichbaar en ie verwacht het doar neet. Het is gezôônd wark’n en ie könt er ôk nog kilo’s met kwiet raak’n. Noa het lichamelijk wark is het altied lekker uutbloaz’n in de kantine. Àj’ wèèt wat ze àmoa doot, kriej’ vanzelf zin um der an met te doon. In de wintertied verzamelt ze links en rechts hoolt, wat dan zommers stokkloar wördt emaakt. Det is één van de menier’n um inkômm’n te krieg’n. Het is mar één van de de völle bèèzigheed’n, woet ze met gangs bint. Zie zèèit akkerräänne in, ie wèèt wà, die ôôlderwetse koor’nbloom’n en klaprôôz’n. Doarduur kriegt vôgels, as petriez’n, steenoel’n, veeldleeuwerikk’n en gelle kwikstaart’n wier vôer en nestelmèugelijkheed’n, Veerder zörgt ze der vuur det er ieder joar ne kikkkerplas biej kump. Doar bint er noe al een stuk of vèère van. Zie bint betrökk’n biej den joarlijksen padd’ntrek. Zie zagg’n het antal wèirevôgels truggelôôp’n en hebt een stuk làànd geschikt emaakt um te brèu. Vuur het èèrst in joar’n hebt ze doar wier jonge grutto’s ezeene. Ãmoa wark woerbiej’ lekker in de buut’nloch könt verbliem’n. Zie warkt näuw saam’n met het weeldbeheer in Hoolt’n, zôdet alles in de natuur een betje in èèm’nwich blif. Heb ie noe zelf, as boer of as particulier neet zô’n zin um met te doon, mar heij’ wal een een stukske grôônd, woer wat met te doon is, nemt dan kontakt op met Greun Hoolt’n. Zie wèèt de weg en könt oe veerder help’n. Mangs steet er ôk nog ne klèine vergoeding tèèng’noaver. Kortumme, Greun Hoolt’n is oaverà met bèèzig en kan bes nog wat mankrach gebruuk’n, um al disse doelstelling’n vuur de kômmende joar’n in stàànd te hôold’n. Wiej’ geerne methelp’n of breg het oe op een idee, griept de telefoon en nemt kontakt op met Wim Toorneman. (0572 321661) Ie zölt zeen dàj’ der gen spiet van kriegt, komt mar is ne kèèr kiek’n an de Pasmansweg, want Hoolt’n möt greun bliem’n, toch?

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.