• Evenementen
  • Webcam
  • Evenementen
  • Webcam

Gelukkig Niejjoar

Zo, wiej bint de bochte duur. Een paar kilootjes der biej, mà die goat er hoppelijk gauw wier of. Waw w’ ôôns vuur hadd’n enömm’n heiw we doane. Vanof december tut an drei Koning’n, bloaz’n op de midwinterhoorn. Wiej hebt er van genött’n. Doar, op ’n Hoolterbarg, an de Plagg’nweg, biej ’n viever op ’t Vletgoar en biej het Carbidscheet’n in de Bèusebarg en op Erve Teeselink. Ôk de vrèimd’n lustert met grôôte verwôôndering noar de veer drèègende klàànk’n. Toen ‘k zô boam’n op ‘n Hoolterbarg stunne, met uutzicht’n tut Dèimter en Zwolle, môs ik dèènk’n an Johanna van Buur’n. In één van eur gedicht’n beschrif zie, in de joar’n twintig à, de schôônhèid van den Hoolterbarg. Zie zut het kärkske van Hoarle, zô zee ik den van Hèèt’n, machtig môôi ligg’n in het Sallààndse làànd. Zie nemt een köpke koffie biej het thèèhuus, met een betèuverend uutzich op Hoolt’n. Wiej drinkt een köpke biej de Vökke. Den Hoolterbarg is zô môôi, ie blieft er oe oaver verwôôndern. Wiej hebt wier vuur een joar ofschèid enömm’n van de heurns. Wille, verdreet en geweeld goat à wier hàànd in hàànd duur de wereld en het làànd. Het lèèm’n van alle dag hef ôôns stèèvig in de greep. Opnames maak’n vuur radio Achterhoek fm. http://www.achterhoekfm.nl .Iedern zundagmänn’n um kwart oaver tiene, een niej verhaal . Dus heij’ meuite met lèèz’n, dan köj’ in ieder geval nog lustern noar onvervalst plat Hoolt’ns op de radio. (Achterhoek fm 104.9 – 106.7 – 107.9, of wereldwied, via het internet) De Karsdaag’n en Niejjoar, zie bint vuurbiej evlèug’n. Wiej bint op Karsoamd èèm’n noar ôônze Canadeese jongs ewes, diet ôônze vriejhèid nôôit hebt ekèènd. Die vriejhèid die we dit joar à 75 joar meugt herdèènk’n. Wie hebt ôônze kinder het môôie Karsverhaal meug’n vertell’n of het griezelige gedoo rôônd Derk met ’n Beer. Wiej hebt, misschien wà vuur de leste kèèr, vèurwark of meug’n stekk’n. Ie wordt er toch ôk neet good van, àj’ möt lèèz’n en zeen, det ze rötjes en àànder ongemak ofscheet noar hulpverleners. De rilling’n lôôpt oe oaver de rugge àj’ heurt van al die ongelukk’n. Lèu diet in ’t zeek’nhuus trechte komt of nog arger. Wiej hebt ôk môôie dinge met könn’n maak’n in ôôns Hoolt’n. Vieftienhonderd man, diet met dèu an de Hoolt’nse Kwis, met ne Jennekesmarkt op ’n Beeld en Maria diet lustern noar het Avé Maria, biej het kroamschudd’n. Wiej hebt mekaa de hàànd könn’n schudd’n op het nieje joar. Loaw we der met mekaa een môôi joar van maak’n. Völle geluk en zèèg’n en boavenal gezôôndheid.

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende
Geef een reactie

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.