• Evenementen
  • Webcam
  • Evenementen
  • Webcam

Een hardnekkig virus

Ôôit is ‘t begunn’n in juli van het joar 1953. Grôôt feest, Wim van Est, ’n èèrst’n Nederlàànder in de gele trui in de Tour de France. Nog nôôit had e ne barg ezeene. Det blek. Ne dag later, hèèl Hollàànd in deep’n rouw. IJzeren Wimme was in volle vaart een ravijn in efietst. “Zien harte stun stille, mà zien’n pontiac leup nog”. Sinds die tied is det virus nôôit meer vôt egoane. Ieder joar brök het steevaste uut in de moand juli. Het wörd’n nog arger toen ie in 1968 heur’n, “Jan Jansen heeft de Tour gewonnen.”. In de allerleste rit rèèd e Van Springel compleet noar de Filistijn’n. In 1980 dèu Joop Zoetemelk het nog is dunnetjes oaver. Wat heiw we genött’n van de reportages van Theo Koomen. Onvergettelijk. Duur det ààndere virus is het dit joar àmoa wat vertraagd, mar zô as ’t er noe uut zut, brek het in september wier in alle hevigheid uut. Natuurlijk vulle wiej de poeltjes àmoal in. Natuurlijk wiw we biej de beuimst’n stoan. Wie geet er winn’n? Het is moeilijk, de tied van Merkx lig a wier veer trugge. Wint Sagan den greun’n trui, of kump ter eindelijk oflössing van de wacht. In Hoolt’n kwam der, in de joar’n vieftig-zestig, duur al die success’n, ne Tour d’Holten. Speciaal vuur de jeugd, met echte ploeg’n, een barg- en een punt’nklassement. Met ne gewone fietse, pèèz’n tèèg’n de Motieweg an en den lag ter in die joar’n nog gewoon met kasseitjes. Ôôit hè ‘k ne kèèr met efietst en ik kwamme nog net biej de èèrste viem’ntwintig. Argens biej Èènter wörd’n ie lös eloat’n en noa een kwattèèr rèèw we verleuir’n rôônd, op zeuk noar Hoolt’n. Gelukkig stun der her en der nog ne paddestool, zô dawwe net vuur de tiedslimiet an de finish wadd’n. De vèèr’ntwintigste pries, een dèuske met sluutie en àànder bàànd’nplakspul. De ronde van Hoolt’n heul gen stàànd, mà echte wielrenamateurs, zoas Beijers en Maats wadd’n geboor’n. Vanof de joar’n zèumtig zag ne tourpoul het lèèm’nslech. De etappes wörd’n biej het zwembad en in de cafees noabeschouwd. Wier later kôj’, in de tèènte op de braderie, de helden duur de Alp’n op tillevisie volg’n, biej ne kôôld’n gell’n rakker, Duur al die joar’n hen, blèèf den poule bestoan. Inmiddels à de dèirde generatie organisatoor’n en iedereene kan met doon. De pepier’n haal ie zô van het internet of via voisinvoisin.jimdofree.com Dèènkt er umme, op tied inlèèvern, want dan àllèène màj’ drei wekke metproat’n met de kenners en ààns möj’ oe stille hoold’n. Völle wille en netuurlijk wint ôônz’n Tom Dumoulin.

De Vèèrkàànte Viefkop

De Vèèrkàànte Viefkop

Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp. ,,Ik schop en geef complimentjes. Een columnist verkondigt een bepaalde mening en de lezers kunnen zelf bepalen wat ze er mee doen. Soms herkennen mensen zich er in. Enkele verhalen kunnen ze niet met droge ogen lezen, is mij verteld.''

Gerelateerde artikelen

Volgende

Welkom terug!

Log hieronder in op je account

Maak een nieuw account aan

Vul onderstaande gegevens in voor je account

Achterhaal je wachtwoord

Geef je gebruikersnaam of email adres in om je wachtwoord te resetten.