• Leven in Holten
  • Contact
  • Leven in Holten
  • Contact

Àmoa zàànd

8
GEDEELD

Wie vervolgt ôônz’n weg met de kràànt’n duur ’n Bèusebarg. De rit duur’n Zoerbarg is het zweurste van àmoa, slechte zààndwèèg’n met steile bult’n der in. Netuurlijk, de Bèusebargerweg is hard, mà net noar de Fluiter duuke wiej de Katt’nstèège in, een deep waag’nspoor. Gelukkig köj’ met de fietse boam’nlangs, vlak langs ‘t prikkeldroad. Ôônder an ‘n Zoerbarg, biej die môôie hèui- en roggemiet’n, steil noar boam’n in de richting van de Steen’n Bàànke. Èèm’n extra hard trapp’n, um eindelijk Ap van Jan Grof te haal’n, zôônder of te stapp’n. Wier neet elukt. Duur ’n bos hen, vedan noar de Steen’n Bàànke, at e oe tenminste neet zag, ààns môs ie wier trugge. Rechtsof op Juleke an, langs de puunhèupe van nen ôôle boerderieje en de zààndkoele van Boolder Jan. Schilderachtig môôi is het hier. Dan, ôônder in den drèèj noar Juleke, möj wa van de fietse of, zo slech is de weg doar. Boam’n an biej det greune keetje van Roessink wördt het iets better. Noa Juleke, netuurlijk èèm’n ne kèèr schreeuw’n in de putte, kôm ie op een klinkerweggetje dent van ’n Zoerbarg of geet. Een klein stukske mà en ie zit wier in’t zàànd biej Lang’n Achterkààmp en Kroep in. Veerder langs de Schutte, in de richting van de Grieze. Nog èèm’n duur den bos, woet hèèl iets args is gebuurd. Ie bint er altied een betje bange. Natuurlijk èèm’n één kèèr van het racepad of. Biej de Grieze ôônderlangs, noar de Striepe en de Kniepe. Van de PAP hef gen mèinse nog eheurt. Tuss’n de broamstruuk’n duur noar de Prèuter, dan links of noar de Hidder en trugge noar het ôôle Prèutershuus. Good oppass’n dat oen den hôônd neet in de bokse grip. Oaver den môôi’n ôôld’n Kààmp kôj nog biej de Markelse buur’n komm’n. Noe riej’ doar tèèg’n de A 1 an. In de vakààntietied heiw we vaake evoetbald, doar op det trapveeldje op den bult. Ie möt vedan noar Janzes, oh wat is den weg làànk en mul. De Knolprèuter en de Kniepe loaw we achter ôôns. Meerdere kèèr’n lig ie ôônderste boam’n in het mulle zàànd. Gen auto te bekenn’n. Ie kômt langs het Nös, èèm’n det schilderachtige weggetje in, noar Tôône. Ie zölt het neet meer vind’n, want noe dendert er alle daag’n duuzenden auto’s langs. Wiej vervolgt ôônz’n weg langs de Slebber en de Bosker um op de statige kökk’n van Schöppert te kômm’n. Het bint nog Jonkheer’n en zie wônt gewoon an de zààndweg. De Zoerbargrit zit er bienoa op, nog èèm’n Dieke Meuje, Nöttebôôm en de Bosker en dan op mekaa wacht’n op ’n drèèj biej Evertjes en Menum.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.