Van de Preuter, Beeldman en de Zadelkamp

9

Miene gdacht’n gung’n disse wekke, iedere kèèr trugge noar de Zadelkamp. Appie van de Preuter is hen egoane. Ne bezundern keerl en wiej zatt’n ôk nog in de zelfde klasse. De gedacht’n vleegt trugge noar de tied det Appie nog an de Evertjesweg wônn’n en det an de Markelseweg buut’n Hoolt’n het kruudenierswinkeltje van Beeldman was. Lang elèène, de Teveeldes wonn’n nog op de Waardenborch en een èineke veerder zag ie det kleine winkeltje. Pas völle later wörd’n det de Zadelkamp van Arie en Dine en later van Jan Trekop, better bekèènd as Günther Sachs van Tol Jans. Wat een verhaal. Arie en Dine, woer is die tied eblèèm’n. Zie hadd’n èèrs ôk nog nen uutspanning achter op ’n Hoolterbarg, ôônder Nijverdal. Verschèid’n zundagmidddag’n heiw we der ne consumptie en een patatje enuttigd. Later begunn’n ze een café in det winkeltje van. Beeldman. Zie neum’n det de Zadelkamp, misschien wà noar de manege van Beeldman, diet er vlak biej was. Beeldmans Töns, ôôit kampioen van Nederlàànd met het peerdspring’n. Det was wat. Lang elèène. Of het àmoa klopt, gedacht’n bint mangs selectief. Wat wà klopt is, daw we nèudige drankjes biej de Zadelkamp wel hebt enuttigd. Toen, noar joar’n, Appie van de Prèuter zô mar in één kèèr de kastelein was, wörd’n het ne plèisterplaatse vuur ne nieje generatie Dikagangers. Ne typischen kastelein, zittend op de krukke, met opgestrèupte mouw’n, roopend noar de kökk’n um gehaktball’n. Zelf kwam e in de beene, um met zörg een biertje te tapp’n. Zô heiw we joar’n könn’n geniet’n van ziene tapkunst’n en nog meer van ziene gehaktball’n. Noe, zittend op het terras, biej de Visboer heurj’,det e uut de tied is. Het maalt oe duur ‘t hèufd. Noe heurj’ op det terras wà meer. Het is jammer dàj’ de politiek ter, sinds ter Schuure, neet meer zeet. Dan hadd’n ze de zin en onzin van de Slachthuusstroate könn’n heur’n. Het onrech det er nog altied eveult wördt det er nog nôôit ne stroate, gebouw of wat dan ôk noar Börgemèister Enklaar is eneumt. Noe hadd’n ze de kààns ehad. Och het bint mà klèine dinge en dan hè ‘k ’t neet oaver de vis van Reinaardus. Wus ie trouwens det e mangs een verwarmd terras hef? Ofgelôôp’n vriejdag heiw we der wier volop van könn’n geniet’n. Het bint die môôie klèine dinge, mà de politiek, veer weg in Riess’n,hef wà wat ààns an ’n kop. Oh ja, nog èèm’n oaver den dikk’n steen. ’N Smidsbeelt is noe gelukkig autovriej. De lèu könt er geniet’n op al die terrass’n en doar heurt den steen ôk te ligg’n. Gen poespas vuur an het Beukenlaantje, mà mill’n in Hoolt’n biej ôônze Kèune op ôônz’n Beelt. Het lèèm’n roast vedan, èèm’n stille stoan biej Albert Johan Bekkernens, Appie van de Preuter.

9 Reacties
  1. Anja Bruijn
    Anja Bruijn zegt

    Truus Hulsman-Aaltink

  2. Alice Bruins
    Alice Bruins zegt

    Henk, Ester

  3. Betsie Bel
    Betsie Bel zegt

    Mooi stukkie. Als ik aan Appie denk, denk ik eraan hoe hij achter de tap stond, zich eens even over buik krabte, wat lucht liet ontsnappen en riep:” Poeh, wat’n druk!”

  4. Arend Koetsier
    Arend Koetsier zegt

    Lekker fretten

  5. Jan ten Velde zegt

    mooi geschreven Teun, met even een kleine correctie over het winkeltje van Beldman, dat was een bakkerij met winkel die later even door Get van Platvoot , Gerrit Landeweerd , in een kleine zelfbediening werd veranderd, een niet zo’n commerciele geslaagde poging van onze oud- canadese emigrant, die het na korte tijd weer aan de familie Trekop over deed, deze hadden hier met hun gezellige cafetaria duidelijk meer succes mee.

  6. Jolanda Stam
    Jolanda Stam zegt

    Enny Fransen-Stam

  7. Jolanda Stam
    Jolanda Stam zegt

    Hoe lang is het trouwens geleden dat er iemand op de Waardenborch woonde? En waar stond dat huis dan precies?

  8. Enny Fransen-Stam
    Enny Fransen-Stam zegt

    Janny Landeweerd, Hans Landeweerd

  9. Elizabeth Gulink Beldman
    Elizabeth Gulink Beldman zegt

    Theo Beldman kiek dan

Laat een antwoord achter

Uw e-mailadres wordt niet gepubliceerd.