• Leven in Holten
  • Contact
  • Leven in Holten
  • Contact

Bezundere verdienst’n vuur de Kèunedarpse gemeenschap

1
GEDEELD

Zà ‘k met goan of neet? Die twiefels wadd’n er vriejdagmiddag nog volop. Ôônder de pill’n, toch mar een viske ett’n. Ie wèèt nôôit woer ’t good vuur is. Het hölp en zô stapp’n ik vriejdagoamd met zèumtig ààndern de busse in, vuur de joarlijkse good will oamd van de Fienpreuvers. Vuur de twei’n vèèrtigste kèèr, doar wadd’n der nog een paar meer diet miej op al disse oamde gezelschap hadd’n eheuld’n. Zô begunne wiej an wier nen onvergettelijken oamd en kwamm’n trechte op Meermanskààmp. Doar woer ‘k vuur drei en vèèrig joar trugge de scepter zwaai’n as Prins Teun de Zwarte van de Meermankààmp. Wat is het doar môôi ewörd’n. Trechte, det de vuurzitter Robert Oolbekkink in het zunneke wörd’n ezet. Doarnoa vedan noar nen ôôld klasgenoot van miej, Jan van de Biester. Hij was ôk joar’nlàànk een uuthangbord vuur Kèunedarp. Ôk hij môch de oorkonde in ontvangst nemm’n van Prins Poemba. Veerder gung het noar de kammereui van de familie Beltman, diet zôvölle geeld biej mekaa hebt ehaalt vuur de slachtoffers van het rampzalige gebuur’n op Sint Maarten. Grôôte klasse. Doarnoa gung het hèèle gezelschap eèm’n oaver de grèènze noar het Battumse. Zôônder arg, kwamme wiej hoe langer hoe dichter biej huus. Biej het opdrèèi’n noar de Poalmansweg wörd’n het pas duudelijk, zie wadd’n ôônderweg noar de Vèèrkàànte Viefkop. Geloat’n loaj’ het oaver oen hen goan, ie möt de regie uut hàànne gèèm’n. het was àmoa good erèègelt. De Brààndheultjes spöll’n het dak van het huus of en deepe ôônder ’n indruk môch ik de Oorkonde en alle eere in ontvangst nemm’n. Kèunedarp bedàànkt. Netuurlijk gunge wiej nog vedan noar die koppel jonge Splôôders, diet zô bekèènd bint ewörd’n van de film “Brommers kiek’n” An ’t einne van den oamd kwam e wiej toch wier trechte bie de waag’nbouwers. Die jonge lèu diet oamd an oamd bouwt an ne carnavalswaag’n um vuur een paar uurtjes làànk, met völle wille, duur Hoolt’n te goan. Het carnaval zit er op. Het lèèm’n geet vedan. Disse wekke môs Hoolt’n vuurgood ofschèid nemm’n van de man diet vuur Hoolt’n en vuur de Fienpreuvers völle verdienst’n hef ehad. De leste joar’n was e à wat minder in beeld, vanweege ziene uutzunderlijke hôôge lèèftied. Disse wekke hef e ôôns vuurgood verloat’n. Henny Rustebiel, ôôld wethoolder en ôôld Prins van Hoolt’n en Kèunedarp, een man met buut’ngewoone verdienst’n vuur de Kèunedarpse en Hoolter gemeenschap. Röst in vrea.

Nieuwste berichten

De Vèèrkàànte Viefkop

De Vèèrkàànte Viefkop schrijft wekelijks een column op HoltensNieuws.nl. Hij neemt de politiek kritisch onder de loep, vertelt over zijn jeugdbelevenissen en laat zijn fantasie de vrije loop om (mis)toestanden aan de kaak te stellen. Soms is hij mild, dan weer scherp.

Welkom!

Inloggen met je account

Maak een nieuw account aan

Vul onderstaande gegevens in

Achterhaal je wachtwoord

Geef je gebruikersnaam of email adres in om je wachtwoord te resetten.